Culminando o proxecto “A Coruña é Volei Praia”, que englobaba tamén a proba do Circuito Galego de Categorías Inferiores e o Campionato Galego de Volei Praia Senior, o Campeonato de España de Voley Playa de Clubs finalizou exitosamente a súa primeira edición celebrada na cidade de A Coruña.
Comezando o martes 16 ca competición feminina, algunhas das mellores parellas de volei praia nacional fixeron vibrar aos afeccionados chegados dende toda España nun campionato que encheu esta localidade galega do noso deporte e acabou contaxiando aos veciños coruñeses grazas aos grandes partidos que vivimos nas pistas centrais.
No apartado feminino participaban os clubs galegos CV Pontevedra, CV Milenio Ourense, CVP Vigo, CV Bruxas e o Club Ourense VP ademáis do CV Ibañés e o VP Madrid e o Switch Voley.
A competición desenvolveuse martes e mércores en xornadas de mañan e tarde, rematando ca final do xoves á mañá na que as viguesas do CVP Vigo derrotarían ás madrileñas do Switch Voley alzándose como primeiras gañadoras deste torneo de nova creación.
No cadro masculino, que comezou o venres pola mañá co CVP Vigo, CV Milenio Ourense, CV Dumbría, BeachBol La Malva e VP Madrid, os asistentes aos campos instalados na praia de Riazor puideron asistir a unha loita sen cuartel pola medalla de ouro que culminou na mañán do domingo cos tres partidos que pecharon o campionato.
Na final, vigueses e valenciáns deron un recital de volei praia, que se saldou ca vitoria dos segundos nun partido de desempate final que foi o broche de ouro a 6 días de competición no areal de Riazor e que deixou con ganas de máis volei praia aos asistentes.
A Federación Galega de Voleibol quere agradecer ao Excelentísimo Concello de A Coruña toda a súa colaboración e apoio dende a planificación ata o peche do proxecto, así coma ao club local CV Padre Faustino Calasancias, que contribueu activamente nesta iniciativa a través do esforzo e traballo dos seus voluntarios.
