Arrincan a 4ª División e as 1ªs benxamín #voleigalego

Esta fin de semana, 14 e 15 de novembro, comezan a 4ª División e as competicións alevín e benxamín da Federación Galega de Voleibol. En total, 78 equipos de 25 clubs galegos disputarán 340 partidos oficiais ao longo da tempada 2026/2027

Abertas as inscricións para un novo curso de adestrador nivel I na Coruña

A Federación Galega de Voleibol convoca un novo curso de adestrador de voleibol nivel I, que se celebrará no pavillón de Elviña (A Coruña) durante as fins de semana do 26 e 27 de decembro e do 2 e 3 de xaneiro.

36 nomes do #voleigalego e #voleipraiagalego, na relación de deportistas de alto nivel e alto rendemento da Xunta

O Diario Oficial de Galicia publicou o 15 de outubro a relación vixente de persoas deportistas, técnicas, xuíces e árbitros con recoñecemento de alto nivel e alto rendemento. O voleibol e o vólei praia galegos contan con 35 deportistas e un técnico nesta listaxe

Arranca a liga regular 2026/27: máis de 200 equipos e 1.700 partidos para a maior tempada do voleibol galego

A Federación Galega de Voleibol pon en marcha as competicións de 1ª, 2ª e 3ª División Autonómica cunha cifra récord de 202 equipos en pista.

A Copa Federación 2026 xa ten novos campións e campioas e abre paso ao inicio da liga regular

A competición copeira pechouse cunha gran participación e un alto nivel en todas as categorías de base.

Raquel López-Brea incorpórase ao Comité Técnico Galego de Árbitros da FGVB como responsable de formación e seguimento

A galega asume a área de formación, avaliación, seguimento e coordinación arbitral co foco posto no acompañamento e desenvolvemento dos novos talentos.

A FGVB convoca a primeira Xornada de Supervisión e Control de Voleibol en Pista da tempada 2026/27

A actividade, que abre o calendario de tecnificación do novo curso, desenvolverase o 12 de outubro en Rianxo, Quiroga, A Coruña e Noia e estará dirixida ás categorías infantil e cadete, cun traballo intensivo en dobre sesión de mañá e tarde.

O voleibol galego consolida o seu mapa estatal: 11 equipos competirán nas ligas nacionais a tempada 2026/27

A representación autonómica espállase por todas as categorías estatais, sumando un total de 11 conxuntos (6 masculinos e 5 femininos) que levarán o nome do #voleigalego por todo o territorio nacional.

O Arenal Emevé e o Intasa San Sadurniño revalidan o título e coroanse na Copa Xunta de Galicia 2026

Ambos conxuntos repetiron os triunfos da pasada edición tras superar na final ao Autos Cancela Zalaeta na categoría feminina e ao Club Vigo Voleibol na masculina.

A Coruña acollerá a Copa Galicia 2026 coa estrea das renovadas instalacións do Pavillón de Elviña a fin de semana do 26 e 27 de setembro.

A emoción do máximo nivel do voleibol autonómico regresa a fin de semana do 26 e 27 de setembro coa disputa da Copa Galicia 2026. A Coruña será o epicentro da competición nun marco moi especial: a cita servirá como estrea oficial das instalacións recentemente renovadas do Pavillón de Elviña, que lucirá as súas mellores galas para coroar aos novos campións e campioas de Galicia. O torneo reunirá aos principais referentes do voleibol galego nun formato de semifinais en quenda de mañá e a gran final pola tarde: Categoría Feminina (Sábado, 26 de setembro) 10:30 h | Semifinal 1: Arenal Emevé – CV Ciudad de A Coruña 12:30 h | Semifinal 2: Autos Cancela Zalaeta – Aceites Abril Voleyourense 18:00 h | FINAL Categoría Masculina (Domingo, 27 de setembro) 10:30 h | Semifinal 1: Intasa San Sadurniño – Arenal Emevé 12:30 h | Semifinal 2: Rotogal Boiro – Club Vigo Voleibol 18:00 h | FINAL Entrada de balde e retransmisión en directo A entrada ao Pavillón de Elviña será totalmente gratuíta e libre para todos os públicos ata completar capacidade. Ademais, para facilitar que toda a afección poida gozar do espectáculo, todos os encontros contarán con retransmisión oficial en streaming, permitindo seguir a competición tanto dende a bancada coruñesa como a distancia. Desde a Federación Galega de Voleibol queremos expresar o noso sincero agradecemento á Xunta de Galicia, a través da Secretaría Xeral para o Deporte, polo seu constante apoio e colaboración para facer posible a celebración deste gran evento e seguir impulsando o voleibol galego de elite.