O voleibol galego consolida o seu mapa estatal: 11 equipos competirán nas ligas nacionais a tempada 2026/27

A representación autonómica espállase por todas as categorías estatais, sumando un total de 11 conxuntos (6 masculinos e 5 femininos) que levarán o nome do #voleigalego por todo o territorio nacional.

O Arenal Emevé e o Intasa San Sadurniño revalidan o título e coroanse na Copa Xunta de Galicia 2026

Ambos conxuntos repetiron os triunfos da pasada edición tras superar na final ao Autos Cancela Zalaeta na categoría feminina e ao Club Vigo Voleibol na masculina.

A Coruña acollerá a Copa Galicia 2026 coa estrea das renovadas instalacións do Pavillón de Elviña a fin de semana do 26 e 27 de setembro.

A emoción do máximo nivel do voleibol autonómico regresa a fin de semana do 26 e 27 de setembro coa disputa da Copa Galicia 2026. A Coruña será o epicentro da competición nun marco moi especial: a cita servirá como estrea oficial das instalacións recentemente renovadas do Pavillón de Elviña, que lucirá as súas mellores galas para coroar aos novos campións e campioas de Galicia. O torneo reunirá aos principais referentes do voleibol galego nun formato de semifinais en quenda de mañá e a gran final pola tarde: Categoría Feminina (Sábado, 26 de setembro) 10:30 h | Semifinal 1: Arenal Emevé – CV Ciudad de A Coruña 12:30 h | Semifinal 2: Autos Cancela Zalaeta – Aceites Abril Voleyourense 18:00 h | FINAL Categoría Masculina (Domingo, 27 de setembro) 10:30 h | Semifinal 1: Intasa San Sadurniño – Arenal Emevé 12:30 h | Semifinal 2: Rotogal Boiro – Club Vigo Voleibol 18:00 h | FINAL Entrada de balde e retransmisión en directo A entrada ao Pavillón de Elviña será totalmente gratuíta e libre para todos os públicos ata completar capacidade. Ademais, para facilitar que toda a afección poida gozar do espectáculo, todos os encontros contarán con retransmisión oficial en streaming, permitindo seguir a competición tanto dende a bancada coruñesa como a distancia. Desde a Federación Galega de Voleibol queremos expresar o noso sincero agradecemento á Xunta de Galicia, a través da Secretaría Xeral para o Deporte, polo seu constante apoio e colaboración para facer posible a celebración deste gran evento e seguir impulsando o voleibol galego de elite.

Convocatoria do Curso de Árbitro de Voleibol Nivel I – Tempada 2026-2027

A Federación Galega de Voleibol, a través do Comité Técnico Galego de Árbitros (C.T.G.A.), convoca oficialmente o Curso de Árbitro de Voleibol Nivel I de cara ao inicio da tempada 2026-2027.

Convocada a reunión do Comité Técnico Galego de Árbitros previa ao inicio da tempada 2026-2027

Co gallo de preparar e coordinar o inicio da nova campaña, o Comité Técnico Galego de Árbitros (CTGA) da FGVB programa a súa reunión oficial de apertura de tempada, dando continuidade ao calendario e datas marcadas polo Comité Técnico Nacional de Árbitros (CTNA).

A Praia das Delicias en Sada pecha o Circuíto Provincial cos días 22 e 23 de agosto.

A Praia das Delicias en Sada, toma o relevo do vólei praia galego os vindeiros 22 e 23 de agosto para celebrar a proba que tivera que ser aprazada a principios de xullo por mor da alerta por altas temperaturas.

A Praia de Tanxil acolle a seguinte parada do Circuíto Provincial da Coruña en Rianxo

A Praia de Tanxil, en Rianxo, toma o relevo do vólei praia galego os vindeiros 1 e 2 de agosto. O areal rianxeiro será a sede dunha nova cita clave do Circuíto Provincial da Coruña de Vólei Praia de Categorías Inferiores, acollendo unha intensa dobre xornada na que se darán cita as futuras promesas do noso deporte nas categorías alevín, infantil, cadete e Sub-19.

O Circuito Provincial da Coruña chega a San Sadurniño. Abertas as inscricións para a proba.

A praia fluvial de A Granxa, en San Sadurniño, converterase os vindeiros 18 e 19 de xullo no epicentro do volei praia galego. O vindeiro fin de semana desputaranse as categorías infantil e cadete, correspondentes á segunda proba do Circuíto Provincial da Coruña de Vólei Praia de Categorías Inferiores.

Éxito organizativo e de xestión da Federación Galega de Voleibol no Campionato de España de Seleccións Autonómicas (CESA) 2026 de Lugo.

A Federación Galega de Voleibol (FGVB) pechou de xeito sobresaínte a organización do Campionato de España de Seleccións Autonómicas (CESA) 2026, celebrado recentemente na cidade de Lugo.

A Federación Galega de Voleibol felicita ao Aldebarán Intasa San Sadurniño polo seu histórico ascenso á Superliga Masculina

O voleibol galego está de parabén. A Federación Galega de Voleibol quere transmitir os seus máis sinceros parabéns e a súa profunda felicitación a toda a familia do Aldebarán Intasa San Sadurniño tras certificar o seu ansiado regreso á Superliga Masculina, a máxima categoría nacional deste deporte.