A Federación Galega de Voleibol fai oficial a lista das seguintes probas confirmadas ata o momento dos circuitos de vólei praia galegos, nos que os xogadores e xogadoras do noso vólei poderán desfrutar do seu deporte favorito ao aire libre neste verán de 2022.
No Circuito Galego de Categorías Inferiores, no que competirán os xogadores e xogadoras das categorías alevín, infantil, cadete e sub 19, haberá a posibilidade de desputar probas clasificatorias para o Campeonato de España de clubs de vólei praia , comezando o día 25 deste mesmo mes en Boiro.
No caso das probas para a categoría senior, a Federación Galega de Voleibol repetirá a súa presenza na cidade de A Coruña ca segunda edición da iniciativa «A Coruña é Volei Praia», que tanto éxito acadou o ano pasado, e que este ano rematará cunha proba do Circuito Nacional de Voley Playa 1*.
Boiro repetirá no calendario galego cunha proba 3 estrelas no mes de agosto, sendo unha das 5 probas do territorio nacional e a única en Galicia que teña a máxima calificación pola Real Federación Española de Voleibol, e que se levará a cabo en colaboración co Concello de Boiro e a Deputación de A Coruña.
A continuación deixamos as datas e localizacións:
Circuito Galego de Categorías Inferiores:
- Boiro (nova data por confirmar).
- Dumbría (2 e 3 de xullo).
- A Coruña (23 e 24 de xullo).
- Malpica (6 e 7 de agosto).
Circuito Galego Sénior:
- Verán Deportivo VigoArena (25 de xuño)
- 1ª Proba Circuito Vichy Catalán Volei Praia Galego – Verán Deportivo Sanxenxo (9 e 10 de xullo)
- 2ª Proba Circuito Vichy Catalán Volei Praia Galego – Verán Deportivo Vigo Arena (16 e 17 de xullo)
- Verán Deportivo Nigrán (23 de xullo)
- 3ª Proba Circuito Vichy Catalán Volei Praia Galego – Campionato Galego Senior A Coruña (30 e 31 de xullo)
- A Coruña – Circuito Nacional de Voley Playa 1* (4 ao 7 de agosto)
- Boiro – Circuito Nacional de Voley Playa 3* (11 ao 14 de agosto)
Ao longo dos vindeiros días habilitaremos os espazos específicos na nosa páxina web para o Circuito Galego de Categorías Inferiores, así coma para as probas Senior, do mesmo xeito que se anunciarán as posibles novas datas e localizacións.
