O voleibol galego veu freadas as súas visitas ao Concello de Quiroga pola pandemia relacionada ca COVID-19 na temporada 2019-2020, unha ubicación recurrente polos nosos debido ás facilidades que tanto en instalacións coma en aloxamento proporcionaba aos eventos de tecnificación.
Hoxe, no salón de actos do Concello de Quiroga, a Federación Galega de Voleibol e o Concello de Quiroga fixeron oficial a prolongación da súa colaboración para continuar o desenvolvemento do deporte na comunidade lucense.
Ao acto, que se celebrou hoxe día 15 ás 13:30, asistiron o Alcalde do Concello de Quiroga , D. Julio Álvarez Núñez, o Concelleiro de Deportes local, D. Andrés Novoa e D. Juan Carlos Suárez, Director Técnico da Federación Galega de Volebol.
A través da firma deste convenio, a Federación asegura a celebración de concentracións das Seleccións Galegas de cara a súa preparación para os Campionatos de España de Selecciones Autonómicas, aproveitando as instalacións tanto deportivas coma para o aloxamento dos nosos/as deportistas, así como para diferentes proxectos relacionados co noso deporte.
Quiroga acollerá os vindeiros días 25 e 26 de xuño ás nosas seleccións cadete e infantil, que realizarán a derradeira concentración antes de partir cara o CESA que se celebrará do 30 de xuño ao 3 de xullo de 2022 en Valladolid e que próximamente coñecerán os seus rivais na fase de grupos.
A Federación Galega de Voleibol quere agradecer ao Concello de Quiroga a súa boa disposición e axuda para que os nosos/as deportistas poidan mellorar tanto no aspecto deportivo como persoal, desexando que esta colaboración se siga afianzando nos vindeiros anos.
