Malpica alberga de novo unha proba do Circuíto Galego de Categorías Inferiores de Vólei Praia.
O Concello de Malpica será a cuarta e derradeira proba a celebrar no Circuíto Galego de Categorías Inferiores de Vólei Praia, na que os nosos xogadores e xogadoras alevíns, infantís, cadetes e Sub 19 desputarán durante os días 27 e 28 de agosto os seus partidos para seguir sumando puntos no ranking galego.
Un ano máis a Federación Galega de Voleibol quere agradecer ao Concello de Malpica a súa colaboración para que os/as nosos/as pequenos poidan desfrutar do seu deporte favorito, colaborando na organización da penúltima proba do Circuíto Galego de Categorías Inferiores de Vólei Praia, quedando por anunciar a nova data correspondente á proba aprazada de Boiro.
Como ven sendo habitual, para rexistrar a participación deberase cubrir o modelo FGVP 02, enviando ao correo competicions@volei.gal ata o martes 23 as 20:00, quedando o límite de cambio de parella limitado ata o xoves ás 15:00 horas.
A Lista de entrada provisional publicarase mércores, deixando as listas definitivas e o planning definitivo para o xoves á primeira hora da tarde.
- Publicado en Competicións vólei praia, Vólei Praia Cat. Inferiores
Eleccións 2022: Censo electoral provisional
Ata o día 8 de agosto poderanse solicitar as correccións que se consideren oportunas ao censo electoral provisional, mediante escrito dirixido á Xunta electoral xunta.electoral@fgvb.es. Os membros que pertenzan a dous ou mais estamentos no censo provisional, deberán optar por un deles, mediante escrito dirixido á Xunta electoral xunta.electoral@fgvb.es, que deberá cursarse no mesmo período de reclamación ao censo provisional.
Toda a información sobre o proceso electoral pódese atopar na sección Proceso Electoral do apartado Federación da web volei.gal.
- Publicado en Federación
A Selección Absoluta feminina xa está en Galicia.
As Leoas do Vóley chegaron a terras galegas con obxectivo de seguir coa súa preparación para o Eurovolley 2023, contando coas galegas Lucía Prol, Lucía Varela, Carolina Camiño e Candela López nas súas filas.
A concentración chegou onte a Noia e a partir do día 25 e adestrarase durante dúas semanas no Pavillón Alonso Rodríguez, incluíndo 4 adestramentos nos que o público poderá asistir e presenciar como se exercitan as mellores xogadoras nacionais do momento.
As 17 seleccionadas por Pascual Saurín tamén disputarán dous partidos, o primeiro o día 6 en Noia e o 7 no Pavillón Municipal Bertamiráns, ambos ás 19:00 horas contra Hungría e gozando tamén de acceso ata límite de aforo para todo aquel que o desexe.
Os horarios dos adestramentos a porta aberta serán os seguintes:
- Martes 26/07/22 – de 17:30 a 20:00 horas.
- Xoves 28/07/22 – de 17:30 a 20:00 horas.
- Martes 02/08/22 – de 17:30 a 20:00 horas.
- Xoves 04/08/22 – de 17:30 a 19:00 horas.
As sesións poderanse observar sempre desde a bancada, mantendo o silencio en todo momento e respectando as indicacións que se estipulen alí mesmo por parte da organización.
- Publicado en Federación, Seleccións voleibol
Abertas as inscricións para o Campionato Galego Sénior de Vólei Praia
Esta fin de semana do 30 e 31 de xullo terá lugar o Campionato Galego Senior de Volei Praia, derradeira proba do Circuito Vichy Catalán Volei Praia Galego do calendario de verán da FGVB.
A segunda etapa do proxecto «A Coruña é Vólei Praia» albergará a Competición Senior masculina e feminina, se disputarán ambas ao longo de sábado e domingo na Praia de Riazor e quedando ambas finais fixadas para o domingo pola mañán.
Para esta segunda proba do Circuito Vichy Catalán Volei Praia Galego se contará cunha inscripción de 30€ por parella, sendo o 100% das inscricións para premios quedando da seguinte forma o reparto:
- 1° Clasificado – 40% do total das inscricións.
- 2° Clasificado -30% do total das inscricións.
- 3° Clasificado -20% do total das inscricións.
- 4° Clasificado -10% do total das inscricións.
Recordamos que a inscrición das parellas deberá formalizarse por correo electrónico antes deste martes 26 as 20:00 horas a través de correo@volei.gal, así coma o xustificante do pago de 30€ no número de conta: ES71 0081 0499 6400 0137 8440, Banco de Sabadell, S.A.
- Publicado en Competicións vólei praia, Vólei Praia Senior
Convocatoria de eleccións 2022
Tal e como se recolle no Calendario Electoral 2022, aprobado pola Asemblea Xeral o 20 de maio, hoxe da comezo o Proceso Electoral 2022 para a elección dos órganos de goberno (Asemblea Xeral, Presidente e Comisión Delegada) para o período 2022-2025.
Toda a información sobre o proceso electoral pódese atopar na sección Proceso Electoral do apartado Federación da web volei.gal.
- Publicado en Federación
Presentación oficial de «A Coruña é Vólei Praia 2022».
A cidade de A Coruña volverá a ser o epicentro do vólei praia galego e nacional durante 3 semanas ca posta en marcha por segundo ano consecutivo deste proxecto realizado entre o Concello de A Coruña e a Federación Galega de Voleibol. Unha vez máis a cidade galega acollerá de novo dúas probas autonómicas e unha nacional de vólei praia, grazas á gran acollida por público e participantes que tivo a primeira edición .
A Coruña é Vólei Praia 2022 comezará esta mesma fin de semana do 23 e 24 de xullo cos máis pequenos, celebrando a segunda proba do Circuito Galego de Categorías Inferiores de Vólei Praia, no que máis de 250 participantes nas categorías alevín, infantil, cadete e Sub 19 masculina e feminina buscarán seguir sumando puntos para a clasificación final en 6 campos dispostos pola FGVB.
A continuación , os vindeiros días 30 e 31 o Campionato Galego Sénior de Vólei Praia, derradeira proba do Circuíto Vichy Catalan Vólei Praia Galego, decidirá os campións e campioas da nosa comunidade entre 48 parellas masculinas e 48 femininas que accederán a proba a través do ranking galego e que prometen un gran espectáculo nas 4 pistas instaladas.
Por último o trofeo “Cidade da Coruña”, proba catalogada como 1 estrella no Circuito Nacional de Vóley Playa da Real Federación Española de Voleibol, poñerá o broche de ouro ás tres semanas do mellor vólei praia en Riazor, cun torneo con case 100 dos mellores deportistas masculinos e femininos Sénior de toda a península a fin de semana do 6 e 7 de agosto.
Recordamos que o público poderá acceder aos encontros de forma gratuita e que se celebrarán na praia de Riazor dende as 9 horas da mañá ata as 20 horas aproximadamente.
O Circuíto Galego Vólei Praia de Categorías Inferiores chega a Coruña
A Coruña repite por segundo ano consecutivo no Circuíto Galego de Vólei Praia de Categorías Inferiores, congregando aos nosos pequenos deportistas para desputar a próxima fin de semana do 23 de xullo unha nova xornada de dous días de competición nas categorías infantil e Sub-19 (sábado) e alevín e cadete (domingo).
Englobado no proxecto A Coruña é Vólei Praia, que tamén inclúe o Campeonato Senior Galego (3ª proba do Circuíto Vichy Catalan Vólei Praia Galego) e o Trofeo Cidade da Coruña 1* CNVP, o noso deporte volverá a encher a praia de Riazor durante 3 fins de semana seguidos tras o éxito de recepción da pasada edición de 2021.
Para rexistrar a participación, deberase cubrir o modelo FGVP 02 ao correo competicions@volei.gal ata o martes 19 as 20:00, quedando o límite de cambio de parella limitado ata o xoves ás 15:00 horas.
- Descargar o modelo Modelo FGVP 02 – BOLETÍN DE INSCRIPCIÓN DE EQUIPOS EN VOLEI PRAIA
A Lista de entrada provisional publicarase mércores, deixando as listas definitivas e o planning definitivo para o xoves á primeira hora da tarde.
A Federación Galega de Voleibol quere agradecer o compromiso e colaboración unha vez máis do Concello de A Coruña e da Deputación da Coruña para poder levar a cabo esta gran iniciativa, que fai que A Coruña sexa o centro do Vólei Praia Galego acollendo aos mellores xogadores/as autonómicos e nacionais.
- Publicado en Competicións vólei praia, Vólei Praia Cat. Inferiores
O Ézaro acolle o mellor Vólei Praia Cadete Nacional.
Os vindeiros días 14, 15,16 e 17 o Concello de Dumbría celebrará o Campeonato de España de categoría cadete de clubs, ubicado na praia do Ézaro. Esta proba, que abre os Campeonatos de España de clubs de Vólei Playa, acollerá a un total de 53 equipos de toda a xeografía española, sendo 21 na categoría masculina e 32 na femenina.
Despois de acoller a primeira proba do Circuito Galego de Vólei Praia de Categorías Inferiores os días 2 e 3 de xullo, Dumbría será de novo a sede dun campionato nacional de vólei praia, algo recurrente dende fai máis dunha década na localidade.
Representando ao Volei Galego estará o Vóley Dumbría, Club Ourense Vólei Praia, Club Vólei Praia Vigo, CV Riveira y CV Pontevedra no cuadro masculino e Vóley Dumbría, AD Liceo, CV Rianxo e Club Ourense Vólei Praia no feminino, este último como reserva.
A competición está prevista que comece este xoves pola mañán na categoría femenina e pola tarde a masculina, xogando nas 4 pistas instaladas no Ézaro, e quedando reservado o domingo para as semifinais e finais que decidirán os/as campións/campioas nacionais.
- Publicado en Competicións vólei praia, Vólei Praia Cat. Inferiores
Comeza o Circuito Vichy Catalan Vólei Praia Galego.
Un ano máis o Circuito Vichy Catalan Volei Galego volve ás praias da nosa Comunidade Autónoma. En colaboración ca marca de auga embotellada Vichy Catalan, as praias de Baltar, Samil e Riazor acollerán aos mellores xogadores do Vólei Praia galego neste circuito que volveu depois da pandemia para afianzarse nos veráns do noso voleibol.
Este Circuito Vichy Catalan Volei Galego está composto por dúas probas do Verán Deportivo ademáis do Campionato Galego de Vólei Praia de A Coruña, que se desputarán ao longo do mes de xullo de 2022 e na que os xogadores recibirán camisetas personalizadas do circuito, ademáis de bebidas cortesía da marca colaboradora.
As datas das probas serán:
- 1ª Proba Circuito Vichy Catalan Volei Praia Galego – Verán Deportivo Sanxenxo (9 e 10 de xullo).
- 2ª Proba Circuito Vichy Catalan Volei Praia Galego – Verán Deportivo Vigo Arena (16 e 17 de xullo).
- 3ª Proba Circuito Vichy Catalan Volei Praia Galego – Campionato Galego Senior A Coruña (30 e 31 de xullo).
A Federación Galega de Voleibol quere agradecer a Vichy Catalan o seu compromiso co Vólei Praia Galego, apoiando o noso deporte un ano máis e facendo que os nosos/as deportistas poidan realizar o que máis lles gusta en entornos privilexiados como a costa galega.
- Publicado en Competicións vólei praia, Vólei Praia Senior
O Volei Galego remata o CESA con dúas medallas e os 4 equipos entre os 6 mellores do país.
As Seleccións Galegas de voleibol veñen a firmar de novo unha brillante actuación neste CESA 2022, desputado do 30 de xuño ao 3 de de xullo en Valladolid.
A expedición galega , que acudeu ao campionato cas súas catro seleccións despois de que o ano pasado únicamente pudieran acudir tres delas, conseguiu situar a todos os equipos entre os 6 mellores do país, acadando ademáis as medallas de prata e bronce en cadete e infantil masculino.
O equipo cadete feminino rematou cunha meritoria sexta posición, despois de caer contra Baleares en cuartos de final e o domingo no derradeiro partido desputado polas nosas, pero deixando moi boas sensacións na pista en cada partido. Pola súa parte, as pequenas do infantil feminino loitaron ata chegar ao 5ª/6º posto, onde despois dun intenso partido contra Madrid a 5 sets pecharon o campionato cunha vitoria que as deixou no top 5 nacional.
As medallas comezarían co infantil masculino, que despois dun torneo no que únicamente perderon nunhas apretadas semifinais contra Madrid, conseguiron o metal de bronce ante Extremadura noutro recital de gran xogo proporcionado polos nosos pequenos.
Como colofón, o cadete masculino chegou á final do domingo no Pisuerga, caendo ante Canarias pero demostrando a mesma forza que amosaron durante todo o Campionato, onde loitaron cada punto como se fose o último e traendo unha medalla de prata máis que merecida para o Volei Galego.
A Federación Galega de Voleibol quere felicitar a todos os integrantes da expedición galega polo gran desempeño realizado durante a competición, que volve a situar ao voleibol galego como un dos mellores no panorama nacional.
Do mesmo xeito, este novo triunfo do Volei Galego é o resultado do gran traballo que se está a realizar nos derradeiros anos a través de clubs, árbitros/as, técnicos/as, xogadores, directivos, familiares e todas aquelas persoas que axudan a que o noso deporte en Galicia conseguira 4 das 7 últimas medallas desputadas nos Campionatos de España. A Federación quere agradecer o seu bo facer a todos eles e convida a celebrar uns novos resultados históricos para todo o noso voleibol.
- Publicado en Federación, Seleccións voleibol