O calendario da temporada 22/23, que comeza co Torneo Apertura e a Copa Federación, dúas competicións de nova creación no Volei Galego que iniciarán este curso deportivo, arranca esta fin de semana as competicións de pista nun ano que prometedor para o Volei Galego.
A continuación facemos un resumo das características destas novas competicións, que preceden á disputa das 1ªs, 2ªs e 3ªs Divisións do noso deporte en Galicia a partir deste ano:
COPA FEDERACIÓN
Poderán participar na competición os seis primeiros equipos clasificados na Primeira División da categoría na temporada 2021-2022, que estean ao corrente de pago das débedas ca FGVb e que teñan tramitado en tempo e forma a inscrición. No caso dos equipos sénior, se houbese prazas libres producidas por ascensos a Primeira División Nacional, estas serían ocupadas co resto de equipos clasificados na Primeira División da categoría na temporada 2021-2022, en función da súa clasificación. Na categoría sénior, no caso de descensos de Primeira Nacional, reorganizarase o orde clasificatoria perdendo o dereito a participar neste torneo tantos equipos como sexan necesarios para dar cabida aos equipos descendidos.
Esta competición de 6 equipos constará de dúas fases autonómicas. A primeira fase estruturarase en formato de eliminatoria a dobre volta entre os equipos terceiro a sexto clasificados na temporada 2021-2022; na segunda fase enfrontaranse en formato de eliminatoria a dobre volta os equipos primeiro e segundo clasificados na temporada 2021-2022 e os dous gañadores das eliminatorias da primeira fase, participando os dous gañadores en formato final a xogar nunha sede fixada pola FGVb.
TORNEO APERTURA
Participarán os catro últimos equipos clasificados na Primeira División da categoría na temporada 2021-2022, todos os participantes na Segunda División da categoría na temporada 2021-2022, os oito primeiros clasificados na Terceira División da categoría na temporada 2021-2022 e dous equipos de nova creación por orde de inscrición, que estean ao corrente de pago das débedas ca FGVb e que teñan tramitado en tempo e forma a inscrición.
Se houbese prazas libres producidas por renuncias ou, no caso dos equipos sénior, por ascensos a Primeira División Nacional, estas serían ocupadas co resto de equipos clasificados na Terceira División da categoría na temporada 2021-2022, en función da súa clasificación e, finalmente, cos de nova creación por orde de inscrición. Na categoría sénior, no caso de descensos de Primeira Nacional reorganizarase o orde clasificatorio perdendo o dereito a participar neste torneo un equipo de Terceira División e un equipo de nova creación alternándose ata deixar as vacantes suficientes para dar cabida aos equipos descendidos de Primeira División.
A competición será de 24 equipos que constará de dúas fases autonómicas. A primeira fase, na que
participarán os seis últimos clasificados na Segunda División da categoría na temporada 2021-
2022, os oito primeiros clasificados na Terceira División da categoría na temporada 2021-2022 e dous equipos de nova creación, que se colocarán no seeding atendendo á clasificación na temporada anterior na categoría inmediatamente inferior, ou por orde de inscrición no caso de non ter participado na temporada anterior. Estruturarase en formato de eliminatoria a dobre volta a xogar no mesmo fin de semana; na segunda fase os oito equipos gañadores das eliminatorias da primeira fase enfrontaranse aos catro últimos equipos clasificados na Primeira División da categoría na temporada 2021-2022, e os catro primeiros clasificados na Segunda División da categoría na temporada 2021-2022, co formato de dobre eliminación con eliminatorias a dobre volta a xogar no mesmo fin de semana.
Pode consultar o o calendario da temporada 22/23 na seguinte ligazón.
