Un ano máis, as categorías Prebenxamín, Benxamín e Alevín comezarán no concello de Narón ca celebración da primeira proba da edición de 2023. Os/as máis pequenos/as do noso deporte desputarán as catro probas programadas por toda Galicia, co obxectivo de proclamarse campións e campioas galegos.
Este campionato desenvolverase nas seguintes datas, quedando pendentes as localizacións por confirmar.
- 22/01/2022 – Narón
- 19-20/02/2022.
- 02/04/2022.
- 23/04/2022.
Grazas de novo ao Club Voleibol Narón-Volea e ao Concello de Narón , os pavillóns de A Solaina e Campo da Serra acollerán os primeiros encontros dunha competición que xa está asentada no calendario oficial da FGVB, e que senta as bases do noso deporte en Galicia.
Para a inscripción dos equipos, que non terá límite por club sempre e cando teñan un mínimo de 4 integrantes e máximo de 7 xogadores no caso de benxamíns e alevíns, e cun mínimo de 3 e máximo de 5 na categoría prebenxamín, os clubes deberán enviar o formulario G11 a través de correo@volei.gal.
O prazo de tramitación de licenzas individuais para a proba remata o luns 16 ás 20:00, quedando o límite de inscripción de equipos para o martes 17 ás 20:00, co obxectivo de publicar mércores os listados provisionais e xoves os definitivos das probas.
Recordamos que nas normas técnicas aplicarase o que recolle o regulamento técnico Alevín e Benxamín da RFEVb
