A Federación Galega de Voleibol complácese en anunciar que o Concello de Dumbría e o Concello de Cambados foron designados para organizar o preeuropeo sub-18 de voleibol masculino e feminino o vindeiro mes de abril.
O pavillón de O Conco será o escenario dos emocionantes encontros do Grupo C masculino, no que a selección española compartirá competición coas seleccións de Ucraína, Alemaña e Países Baixos. O evento terá lugar desde o venres 12 até o domingo 14 de abril, e para garantir a continuidade na competición, España deberá alzarse como campioa ou subcampioa de grupo.
Engadido a este entusiasmo, anunciamos que a selección sub-18 feminina tamén loitará pola súa clasificación para o Europeo en Galicia, en particular en Cambados. No Pavillón Polideportivo Pombal, as nosas xóvenes promesas enfrontaranse a equipos de gran nivel como Alemaña, Estonia e Inglaterra, todos pertencentes ao Grupo C do preeuropeo e tamén dende o venres 12 até o domingo 14 de abril.
A Federación Galega de Voleibol quere felicitar a concellos e clubs locais, estando seguros de que estas dúas competicións serán un escaparate de talento e dedicación dos deportistas, consolidando a nosa rexión como un referente no panorama voleibolístico nacional e dando exemplo do bo facer a nivel organizativo do volei galego.
