

Seguindo co calendario establecido, a Federación Galega de Voleibol, a través do seu departamento de Dirección Técnica, convoca a xogadores e xogadoras do volei galego para unha nova concentración das Seleccións Galegas de Vólei Praia os días 28 e 29 de xuño.
A concentración desenvolverase durante dúas xornadas diferenciadas por categorías do seguinte xeito:
Sábado 28 de xuño – Oira (Ourense) – Categorías: Sub21 e Sub19 (masculina e feminina) .
- Horario: De 10:00 a 13:00 e de 17:30 a 20:30 .
Domingo 29 de xuño – Oira (Ourense) – Categoría: Sub19 (masculina e feminina) .
- Con participación adicional dun equipo cadete masculino e feminino como parte do proceso formativo.
- Horario: De 10:00 a 13:00 e de 17:30 a 20:30.
Esta cita supón unha das derradeiras oportunidades de traballo conxunto antes do Campionato de España de Seleccións Autonómicas (CESA). As sesións incluirán traballo técnico-táctico na pista, preparación física específica e dinámicas grupais dirixidas polo equipo técnico da FGVB.
Lembramos que todos/as os convocados/as deberán acudir con: Documento de identidade (DNI), Tarxeta sanitaria, Roupa deportiva e de abrigo, Roupa de praia e aseo persoal , Toalla e muda seca para despois dos adestramentos.

