Co obxectivo de seguir potenciando o proceso de aprendizaxe e a experiencia en eventos nacionais dos técnicos do volei galego e volei praia galego, a FGVB volve convocar 4 becas en voleibol e 2 en vólei praia para acompañar ás seleccións galegas nos seus adestramentos e competicións ao longo da tempada 2025-26.
Poderán optar a estas becas os/as adestradores/as que, nos últimos cinco anos, obtiveran o Título de Nivel I, Nivel II ou Nivel III, e comprométanse a asistir a todas as Xornadas de Tecnificación da FGVB, así como ás concentracións previas e ao CESA 2026.
As persoas interesadas deberán enviar a súa candidatura ao correo dtecnico@volei.gal, xunto cunha copia do seu título e a folla de inscrición correspondente. Para participar será necesario cumprir os seguintes requisitos:
- Ser maior de idade.
- Posuír o título de Nivel I, II ou III en voleibol ou vólei praia, obtido a partir do ano 2020 (incluído).
- Ter dispoñibilidade para asistir ás concentracións das seleccións galegas e ao CESA 2026 nas datas programadas, lembrando que a ausencia reiterada ou inxustificada poderá supoñer a retirada inmediata da beca.
O prazo límite para o envío das solicitudes remata o venres 31 de outubro ás 14:00 horas.
