No día de hoxe púxose en marcha o proceso de elección dos membros da Asemblea Xeral, a Presidencia e a Comisión Delegada desta Federación para o período comprendido entre 2026 e 2029.
De acordo coa normativa vixente e o calendario aprobado pola Secretaría Xeral para o Deporte, ábrese un período fundamental para o futuro do noso deporte. Queremos garantir que todo o procedemento se desenvolva coa máxima transparencia, obxectividade e igualdade de oportunidades para todos os estamentos.
Toda a información a un só clic
Para facilitar o seguimento do proceso e garantir o acceso directo a toda a documentación sen necesidade de solicitudes previas , xa se atopa habilitada a sección ELECCIÓNS 2026 na nosa páxina web oficial.
Neste espazo exclusivo poderás consultar e descargar de maneira permanente:
- O Regulamento Electoral: A normativa aprobada que rexe todas as fases do procedemento. PDF
- O Calendario Electoral Oficial: Cos prazos detallados para as reclamacións, presentación de candidaturas e xornadas de votación.
- Actas e Resolucións da Xunta Electoral: As actas das mesas, os resultados do escrutinio e as decisións do órgano de control publicaranse puntualmente neste apartado. PDF
Comprobar a inclusión no Censo Electoral Provisional
Coincidindo co inicio da convocatoria, publicouse o Censo Electoral Provisional, para que que todos os deportistas, técnicos/adestradores, xuíces/árbitros e entidades deportivas comproben a súa correcta inclusión no mesmo verificando os seus datos e confirmar en que estamento se atopan encadrados. Estar correctamente rexistrado no censo é un requisito indispensable tanto para exercer o dereito ao voto coma para poder presentar unha candidatura.
No caso de detectar algún erro ou non aparecer na listaxe o prazo para a presentación de eventuais reclamacións ante a Xunta Electoral sobre o censo provisional estará aberto segundo as datas estipuladas no calendario dispoñible na web.
