A Praia de Tanxil, en Rianxo, toma o relevo do vólei praia galego os vindeiros 1 e 2 de agosto. O areal rianxeiro será a sede dunha nova cita clave do Circuíto Provincial da Coruña de Vólei Praia de Categorías Inferiores, acollendo unha intensa dobre xornada na que se darán cita as futuras promesas do noso deporte nas categorías alevín, infantil, cadete e Sub-19.
Esta competición preséntase como un punto estratéxico da tempada, xa que ademais de buscar aos gañadores provinciais, os puntos en xogo son puntuables tanto para o Campionato Galego como para o de España. Unha oportunidade magnífica para ver en acción ao talento novo nunha contorna natural inmellorable.
Horarios e distribución por días
Para organizar o alto volume de partidos, a actividade na area repartirase do seguinte xeito ao longo do fin de semana:
- Sábado, 1 de agosto: Categorías Alevín e Cadete.
- Domingo, 2 de agosto: Categorías Infantil e Sub-19.
Información e inscricións
- Prezo de inscrición: 10 € por participante.
- Formato de competición: Determinarase e axustaráse segundo o número final de inscritos.
- Trámite: A inscrición farase a través da plataforma oficial do torneo. Os clubs deberá ter aboada a inscripción antes do venres as 14h.
Puntos clave a ter en conta:
- A data límite para formalizar o rexistro é o martes, 28 de xullo.
- Non haberá límite de equipos inscritos por categoría.
- Os xogadores non poderán estar inscritos en dúas categorías diferentes para o mesmo día.
Agradecementos
Desde a Federación Galega de Voleibol queremos expresar o noso gratitude ao Concello de Rianxo e ao club local pola súa axuda e colaboración para que o vólei praia siga a medrar, así como á Deputación da Coruña polo seu apoio incondicional ao deporte de base na provincia.
