Despois de rematar unha gran tempada na que o Volei Galego conseguiu sobrepoñerse á COVID-19 e acadou numerosos éxitos tanto a nivel de clubs como a nivel autónomico nas competicións nacionais, as categorías Senior, Xuvenil, Cadete e Infantil volven as pistas de xogo este sábado para desputar os seus partidos por toda a comunidade, enchendo de novo os pavillóns galegos ao longo das fins de semana
Ademáis este ano súmanse dúas categorías novas, sendo a Júnior un paso intermedio entre a etapa Xuvenil e Senior, e incluindo a categoría Alevín na estructura das competicións federadas, un gran avance que asegura a canteira do noso voleibol ao competir nun formato de liga regular que terá competición masculina e feminina por toda Galicia.
Co obxectivo de mellorar a información e organización en todas estas competicións, lanzouse a nova plataforma ISQUAD da FGVB, na que tanto xogadores /as coma equipos deberán estar inscritos de forma independiente para poder desputar os seus partidos na fin de semana, e que lles permitirá ter acceso a un área persoal onde realizar as súas xestións relacionadas cas competicións nas que estén inscritos/as.
Do mesmo xeito a Federación Galega de Voleibol recuperará as xornadas de tecnificación ao longo desta 21/22, como son as Xornadas de Desenrolo e Formación para as categorías Alevín e Benxamín e as de Supervisión e Control para as Infantís e Cadetes, que por mor da pandemia non se puideron realizar na 20/21 e que permitirán a mellora do aprendizaxe e intercambio de experiencias relacionadas co noso deporte grazas aos técnicos asistentes.
Todos estos ingredientes, sumados ao calendario formativo que e iniciou cos cursos de Adestrador Nivel I e II, prometen unha nova tempada chea de voleibol, que fará as delicias dos nosos practicantes e que agardamos que poida celebrarse ca máxima normalidade posible, sempre respectando os Protocolos FISICOVID DXT Galego da FGVB que se atopan no enlace de descargas da nosa web e que recordamos que son de obrigado cumprimento.
