A Federación Galega de Voleibol mostrou hoxe no salón de presentacións do Concello de A Coruña os tres campionatos de Volei Praia que se celebrarán na Praia de Riazor durante o mes de agosto.
No acto, ao que asistiu a Concelleira de Deportes de A Coruña Dª. Mónica Martínez Lema e o Presidente da Federación Galega de Voleibol D. Jose Ángel Luna Bargo, mostrouse o proxecto “A Coruña é Volei Praia” que engloba dous campionatos autonómicos e un nacional grazas á colaboración das dúas entidades galegas.
O primeiro deles iniciarase esta mesma fin de semana, levándose a cabo a III Proba do Ciruito Galego de Categorías Inferiores de Volei Praia, onde os máis pequenos/as desfrutarán da derradeira proba do seu calendario de Volei Praia 20/21 despois dun gran éxito de participación nas dúas competicións anteriores de Dumbría e Malpica.
A continuación, os días 14 e e 15 deste mesmo mes, terá lugar o Campionato Galego Senior de Volei Praia como parte do Circuito Vichy Catalán Volei Praia Galego, coroando aos campións e campioas galegos/as da tempada 20/21 despois de dous días de competición nas categorías masculina e femenina.
Por último, dende o luns 16 ata o domingo 22, os mellores clubs de Volei Praia de España competirán tamén en Riazor co obxectivo de levar o título do Campeonato de España de Clubs de Voley Playa, proba que celebra a súa primeira edición na cidade de A Coruña e que mostrará o mellor Volei Praia nacional tamén nas categorías masculina e feminina.
Todos os eventos contarán cunha montaxe específica para cada unha das competicións deseñada en colaboración co Concello de A Coruña, ademáis de protocolos COVID aprobados polas autoridades sanitarias e específicos da FGVB e a Real Federación Española de Voleibol para competición ao aire libre, velando así pola seguridade de tanto os participantes coma o público asistente aos eventos.
