Cas melloras nos datos relativos á pandemia da COVID-19 e según fontes oficiais, a Xunta de Galicia permitirá medidas de protección fronte a Covid-19 alternativas ao uso da máscara para os maiores de 12 anos no deporte galego federado nesta tempada 21/22.
Dende a Federación Galega de Voleibol queremos informar que actualmente estamos a traballar na proposta de modificación dos nosos protocolos baseados no FISICOVID-DXTGALEGO, que serán supervisados por parte do máximo organismo galego.
Ata que a aprobación destas modificacións sexa oficial por parte da Xunta de Galicia, recordamos que segue vixente a obrigatoriedade do uso de máscara tanto en adestramentos como partidos do Volei Galego.
Agradecemos a paciencia e compresión do voleibol galego en relación a este tema, e seguiremos informando dos avances a medida que se vaian facendo efectivos.
