Os máis pequenos do noso deporte continuarán cos seus encontros na segunda proba do Campionato Galego Benxamín e Prebenxamín o vindeiro sábado 15 de marzo no Pavillón de A Pinguela, situado no Concello de Monforte de Lemos.
Esta proba que se celebrará grazas á colaboración do Club Deportivo Korbis, así coma o Concello de Monforte e á Deputación de Lugo, toma o relevo da primeira das probas celebrada este pasado domingo en Ourense.
Para a inscripción dos equipos, que terá un límite máximo de 5 equipos por club, sempre e cando teñan un mínimo de 4 integrantes e máximo de 10 xogadores, os clubes deberán enviar o formulario G11 a través de correo@volei.gal.
O prazo de tramitación de licenzas individuais para a proba remata o luns 10 ás 20:00, quedando o límite de inscripción de equipos para o martes 11 ás 20:00, co obxectivo de publicar mércores os listados provisionais e xoves os definitivos das probas.
