Os Campionatos Galegos Benxamín/Prebenxamín + Copa Alevín volven a Narón nos pavillóns de A Solaina e A Gándara.
Despois das dúas probas celebradas en Narón e Ourense, os nosos pequenos e pequenas terán a terceira e penúltima proba este sábado 23 de marzo. Grazas de novo á colaboración do CV Narón Volea e o Concello de Narón, agárdase batir un novo récord de participación nun campionato que cada vez ten maior repercusión no noso deporte en Galicia e senta as bases das estrelas do volei galego.
Para a inscripción dos equipos, que non terá límite por club sempre e cando teñan un mínimo de 4 integrantes e máximo de 7 xogadores no caso de benxamíns e alevíns, e cun mínimo de 3 e máximo de 5 na categoría prebenxamín, os clubes deberán enviar o formulario G11 a través de correo@volei.gal.
O prazo de tramitación de licenzas individuais para a proba remata o luns 18 ás 20:00, quedando o límite de inscripción de equipos para o martes 19 ás 20:00, co obxectivo de publicar mércores os listados provisionais e xoves os definitivos das probas.
Recordamos que nas normas técnicas aplicarase o que recolle o regulamento técnico Alevín e Benxamín .
