Esta pasada fin de semana do 28 e 29 de setembro celebrouse no Concello de San Sadurniño a XLI edición da Copa Voleibol Xunta de Galicia, que enfrentou aos 4 mellores equipos sénior de Galicia no Pavillón Municipal.
A competición comezou o sábado co cadro feminino, no cal Arenal Emevé e CV Intistito Zalaeta dobregaron ao Conforgal Xuvenil Teis e Aceites Abril Voley Ourense nas semifinais da mañán para acceder a unha final na que as lucenses ganaron por un axustado 3-2 e no que Maira Westergaard foi a MVP da final.
Na categoría masculina, celebrada o domingo, Arenal Emevé e os anfitrións o Intasa San Sadurniño avanzaron con paso firme cara a final da tarde ante o Voleibol Dumbría e o Club Vigo Voleibol con vitorias por 3 sets a 1. Xa na final das 17:30 os de Lugo completaron o pleno de vitorias na competición en 4 sets, sendo Victor Bouza o xogador máis destacado do encontro.
Resultados competición feminina:
- Semifinal 1 -Arenal Emeve 3 – Conforgal Xuvenil Teis 1 (25-17/25-21/23-25/25-14).
- Semifinal 2 – Zalaeta 3 – Aceites Abril CVO 2 (25-15/23-25/25-11/21-25/15-4).
- Final- Arenal Emeve 3 – CVI Zalaeta 2 (24-26/25-16/25-18/24-26/15-9).
Resultados competición masculina:
- Semifinal 1 – Arenal Emeve 3 – Voleibol Dumbría 0 (25-21/25-19/25-22).
- Semifinal 2 – Intasa san Sadurniño 3 – Club Vigo Voleibol 1 (36-38/25-19/25-16/25-23).
- Final – Arenal Emeve 3 – Intasa san Sadurniño 1 (27-29/25-19/25-19/25-21).
A Federación Galega de Voleibol quere agradecer de novo ao Concello de San Sadurniño, así coma ao propio Concello e ao club local o Aldebarán San Sadurniño, por facer posible este gran evento do noso voleibol, que da comezo ás competicións da temporada 2024-2025.
Fotografías: Iago Lourido
