A Coruña acolleu por primeira vez na súa historia a celebración da Copa Princesa, o torneo do KO da Superliga 2, que finalmente coronou ao Barca CVB na mañá do domingo.
Durante 3 días o Pavillón do Barrio das Flores foi a sede dos mellores equipos da división de prata do voleibol nacional, nun evento ao que se achegaron participantes e público de todo o territorio español.
O evento comezou cos encontros da fase de grupos, na que os 6 equipos entre os que se encontraban as coruñesas do CV Autos Cancela Zalaeta decidiron os seus cruces loitando entre eles. As locais, pese ao apoio da súa afección non puideron clasificarse, pero deron un exemplo máis da súa entrega na competición, loitando con todo en cada punto diante dos seus.
Nas semifinais, celebradas o sábado pola tarde, o CV Melilla e o Barca CVB venceron ao FC Cartagena Algar Surmenor e ao Extremadura Arroyo por 3-1, acordando o paso a unha gran final na que as catalanas levarían o título despois de remontar o primeiro set.
Na entrega de trofeos aos protagonistas desta final participaron o presidente da Federación Española de Voleibol, Agustín Martín Santos; o presidente da Federación Galega, José Ángel Luna; Diana Sobral, concelleira de Comercio, Mercados Consumo e Barrios en representación ao Concello da Coruña, Diego Calvo, o vicepresidente segundo e concelleiro de Deportes da Xunta e o Nicolau Santos, presidente do club organizador da competición, o CV Autos Cancela Zaleta.
A Federación Galega de Voleibol quere felicitar ao club local tanto polo seu desempeño deportivo na competición coma tamén pola súa gran organización, que unha vez máis demostra o bo facer dos clubs do Volei Galego na posta en marcha de eventos nacionais do noso voleibol.
