O vindeiro domingo 4 de xuño celebrarase en Oira a primeira Xornada de Supervisión e Control de Volei Praia desta temporada 2023.
Os xogadores e xogadoras galegos poderán desfrutar dunha nova experiencia na que compartir coñecementos do deporte do volei praia entre eles/as, supervisados polos técnicos da FGVB nas dúas pistas habilitadas no Complexo Deportivo de Oira e acompañados polo Seleccionador Nacional Marco Pirés.
Estarán destinadas ás categorías Sub 15 e Sub 17 e contarán cos seguintes horarios tendo en conta o parón incluido para comer:
- Sub 15 feminino e masculino: 10:00 a 11:30 e de 16:00 a 17:30.
- Sub 17 feminino e masculino: 11:30 a 13:00 e de 17:30 a 19:00.
Para a inscripción nestas xornadas deberase cumprimentar o formulario dispoñible na sección de descargas da nosa web, así coma o pago de 25€ no número de conta: ES71 0081 0499 6400 0137 8440, Banco de Sabadell, S.A. Para formalizar esta inscrición deberase enviar o xustificante de pago e o formulario a dtecnico@volei.gal antes do xoves 1 as 18:00 horas.
Este ano, como ven a acontecer nas Xornadas de Supervisión e Control, farase entrega dunha camiseta a todos os participantes da concentración.
Descargue aquí o formulario de inscrición para as Xornadas de Supervisión e Control
