Convocados novos Cursos de Árbitro Nivel I e II de voleibol
Para cumprir coas obrigas en canto a nomeamentos e presenza de colexiados en todos os encontros e a propias necesidades das Competicións Autonómicas, a Federación Galega de Voleibol convoca a través do Comité Técnico Galego de Árbitros dous cursos de arbitraxe para esta nova temporada 2023-2024 que está a piques de comezar.
Os cursos terán formato mixto, cunha parte presencial no Complexo Deportivo de Elviña, sito na Coruña, e outra a distancia, polo que os participantes terán que ter obrigatoriamente un enderezo electrónico e dispor de un ordenador ou ferramenta similar dotado de conexión a internet, micrófono e altofalantes / auriculares e cámara de vídeo. A ferramente utilizada será Zoom, de balde en todas as plataformas.
Para formalizar a inscrición en calquera dos dous cursos, débese enviar o modelo G-13 II que se atopa publicado no apartado de descargas de FGVb, e envialo cumprimentado a conta de correo de arbitros@volei.gal antes do día 7 de setembro as 13:00 horas acompañado do xustificante correspondente de pago.
AVISO: Por motivos organizativos, a xornada matutina do sábado 9 pasa ao venres 8, co formato telemático.
- Para consultar a información específica de cada curso debe facer click nos seguintes enlaces:
INFORMACIÓN AMPLIADA SOBRE O CURSO DE ADESTRADORES NIVEL I
- Publicado en Competicións voleibol, Formación árbitros
Convocatoria Curso de Adestrador Nivel I Narón
A Federación Galega de Voleibol amplía a oferta para acadar o título Nivel I de adestrador de pista nesta temporada 23 -24. Ademáis do actual curso dispoñible en Cangas, a Federación pon á disposición dos futuros adestradores unha nova convocatoria que se levará a cabo en Narón, tamén en setembro deste 2023.
Datos básicos do curso de adestrador Nivel I:
- Datas: 2/3 e 23/24 de setembro (4 días).
- Horarios: De 10:00 a 14:00 e de 16:00 a 20:00 horas ambos días.
- Lugar: Narón. Teoría Pabellón Municipal de A Gándara. Práctica Pavillón A Solaina.
- Prezo: 125 €/asistente
INFORMACIÓN AMPLIADA SOBRE O CURSO
Para formalizar a inscrición débese enviar o modelo G-13 II que se atopa publicado no apartado de descargas de FGVb, e envialo cumprimentado a conta de correo de dtecnico@volei.gal antes do día 31 de agosto as 13:00 horas xunto co xustificante de pago á conta indicada (número de conta: ES71 0081 0499 6400 0137 8440, Banco de Sabadell, S.A).
- Publicado en Federación, Formación adestradores
Convocatoria Curso de Adestrador Nivel I Cangas
A evolución crecente de equipos nas competicións autonómicas, xunto coa maior presencia de equipos galegos en Competicións Nacionais, fan que a necesidade de adestradores sexa maior cada tempada 23-24.
Por todo isto, a Federación Galega de Voleibol, a través do Comité Técnico Galego de adestradores, convoca o curso de Adestrador de Voleibol Nivel I para o comezo de esta nova temporada 2023/24.
Datos básicos do curso de adestrador Nivel I:
- Datas: 2/3 e 16/17 de setembro (4 días).
- Horarios: De 10:00 a 14:00 e de 16:00 a 20:00 horas ambos días.
- Lugar: Cangas. Parte teorica na Casa da Xuventude. Parte práctica Pavillón Instituto María Soliño.
- Prezo: 125 €/asistente
INFORMACIÓN AMPLIADA SOBRE O CURSO
Para formalizar a inscrición débese enviar o modelo G-13 II que se atopa publicado no apartado de descargas de FGVb, e envialo cumprimentado a conta de correo de dtecnico@volei.gal antes do día 31 de agosto as 13:00 horas xunto co xustificante de pago á conta indicada (número de conta: ES71 0081 0499 6400 0137 8440, Banco de Sabadell, S.A).
- Publicado en Federación, Formación adestradores
Abertas as inscricións para o Campionato Galego Sénior de Vólei Praia
Esta fin de semana do 19 e 20 de agosto terá lugar o Campionato Galego Senior de Volei Praia, derradeira proba do Circuito Vichy Catalán Volei Praia Galego do calendario de verán da FGVB.
A derradeira etapa do proxecto «A Coruña é Vólei Praia» albergará a Competición Senior masculina e feminina, se disputarán ambas ao longo de sábado e domingo na Praia de Riazor e quedando ambas finais fixadas para o domingo pola mañán.
Para esta terceira proba do Circuito Vichy Catalán Volei Praia Galego se contará cunha inscripción de 30€ por parella, sendo o 100% das inscricións para premios quedando da seguinte forma o reparto:
- 1° Clasificado – 40% do total das inscricións.
- 2° Clasificado -30% do total das inscricións.
- 3° Clasificado -20% do total das inscricións.
- 4° Clasificado -10% do total das inscricións.
Recordamos que a inscrición das parellas deberá formalizarse por correo electrónico antes deste martes 15 as 20:00 horas a través de correo@volei.gal, así coma o xustificante do pago de 30€ no número de conta: ES71 0081 0499 6400 0137 8440, Banco de Sabadell, S.A.
- Publicado en Competicións vólei praia, Vólei Praia Senior
Presentación oficial de «A Coruña é Vólei Praia 2023».
A cidade de A Coruña continuou a ser o epicentro do vólei praia galego e nacional este 2023. Durante 3 semanas e por terceiro ano consecutivo, este proxecto realizado entre o Concello de A Coruña e a Federación Galega de Voleibol está a traer o mellor vólei praia autonómico e nacional a Riazor.
Despois da proba celebrada o 8 e 9 de xullo, onde case 300 dos nosos pequenos disputaron o Trofeo Cidade da Coruña #Voleigalego, A Coruña é Vólei Praia 2023 continua esta mesma fin de semana do 11 ao 13 de agosto co Circuito Nacional de Voley Playa da RFEVB.
A segunda edición do “Trofeo Cidade da Coruña”, proba catalogada como 2 estrellas pola Real Federación Española de Voleibol, continuará a iniciativa cun torneo con case 100 dos mellores deportistas masculinos e femininos Sénior de toda a península grazas tamén á colaboración da Deputación da Coruña.
A continuación , os vindeiros días 19 e 20 disputarase o Campionato Galego Sénior de Vólei Praia, derradeira proba do Circuíto Vichy Catalan Vólei Praia Galego, que decidirá os campións e campioas da nosa comunidade entre 48 parellas masculinas e 48 femininas que accederán a proba a través do ranking galego e que prometen un gran espectáculo nas 4 pistas instaladas.
Recordamos que o público poderá acceder aos encontros de forma gratuita e que se celebrarán na praia de Riazor dende as 9 horas da mañá ata as 20 horas aproximadamente
- Publicado en Competicións vólei praia, Eventos FGVb, Vólei Praia Senior