Hoxe tivo lugar na sala de actos do Concello de Narón a presentación oficial da proba do Campionato Galego Benxamín/Prebenxamín + Copa Alevín que se celebrará este sábado, onde os pavillóns de Campo da Serra e a Solaina acollerán dende as 09:30 ata as 20:00 horas esta primeira proba das catro que se celebrarán por toda Galicia
Este 27 de xaneiro Narón será o Concello onde comenzan as competicións de voleibol dos mais pequenos en Galicia e se inicie a actividade mais numerosa do noso voleibol. A estimación de participación, ao estar o prazo aínda aberto, é a de mellora dos números do ano pasado, no que máis de 360 participantes de toda Galicia competiron en 70 equipos cun total de 150 encontros desputados entre todas as categorías nas 14 pistas habilitadas.
A competición terá unha primeira fase de grupos, para posteriormente os mellores clasificados de cada un xoguen polos primeiros postos en eliminatorias. Cada equipo obterá unha puntuación para o seu Club segundo a clasificación, e coa suma das probas os 8 mellores xogarán a Final do Campionato Galego e optarán por unha praza para o Campionato de España.
Na presentación, á que asistiu o Concejal de Deportes de Narón, Ibán Santalla; o Secretario da Federación Galega de Voleibol, Jose Ramón Baña e a Presidenta do Club Narón-Volea Eva Romero, o representante da FGVB agradeceu ao Concello de Narón a súa colaboración nesta proba, así coma aos integrantes do Club Narón-volea Voleibol polo seu traballo que fai posible este gran evento deportivo que reunirá aos máis pequenos do noso voleibol durante un día de competición e que abrirá a tempada 23/24 para a categoría Benxamín e Prebenxamín.
