A segunda proba dos Campionatos Galegos Benxamín/Prebenxamín + Copa Alevín terá lugar o vindeiro día domingo 25 nos pavillóns Paco Paz e O Pompeo de Ourense.
Despois da gran acollida en Narón, as pequenas estrelas do volei galego terán unha nova proba este 25 de febreiro. Ourense será un ano máis a sede desta competición grazas á colaboración do CV Ourense e do CV San Martiño, nunha proba na que se agarda superar o número de participantes da primeira proba celebrado o pasado mes de xaneiro.
Para a inscripción dos equipos, que non terá límite por club sempre e cando teñan un mínimo de 4 integrantes e máximo de 7 xogadores no caso de benxamíns e alevíns, e cun mínimo de 3 e máximo de 5 na categoría prebenxamín, os clubes deberán enviar o formulario G11 a través de correo@volei.gal.
O prazo de tramitación de licenzas individuais para a proba remata o luns 22 ás 20:00, quedando o límite de inscripción de equipos para o martes 23 ás 20:00, co obxectivo de publicar mércores os listados provisionais e xoves os definitivos das probas.
Recordamos que nas normas técnicas aplicarase o que recolle o regulamento técnico Alevín e Benxamín .
