A Deputación de Pontevedra fixo hoxe oficial as bases para a concesión de axudas para mulleres co fin de impulsar os estudos relacionados co deporte no ano 2024.
O obxecto desta convocatoria é fixar as bases reguladoras das axudas destinadas a financiar os estudos que dean acceso aos postos de técnicas ou adestradoras en clubs deportivos e de xuízas e árbitras nas diferentes modalidades deportivas.
Poderán beneficiarse das axudas desta convocatoria as mulleres nadas e residentes na actualidade nalgún dos concellos da provincia de Pontevedra ou as mulleres non nadas na provincia de Pontevedra pero empadroadas desde o 1 de xaneiro de 2024 nalgún dos concellos da provincia.
O prazo de presentación de solicitudes finalizará o 30 de novembro de 2024.
Pode consultar as bases completas no portal da Deputación de Pontevedra.
