Durante a vindeira fin de semana do 5 e 6 de abril, no pavillón da Xunqueira de Pontevedra, levaranse a cabo as Finais Xuvenil e Infantil dos Campionatos Xunta de Galicia de Voleibol.
Para determinar aos campións e campioas galegas da tempada 2025, estas finais organizadas pola Federación Galega de Voleibol en colaboración coa Deputación de Pontevedra, o Concello da Pontevedra, CV. Pontevedra e GADIS marcan o punto culminante da tempada de voleibol en Galicia.
Á presentación de hoxe no Concello da Pontevedra asistiron a Concelleira de Deportes do Concello de Pontevedra, Dna. Anabel Gulías, o Presidente da Federación Galega de Voleibol D. José Ángel Luna e a Presidenta do CV Pontevedra, Dna. Patricia Valcárcel.
Esta primeira etapa inclúe as categorías xuvenil e infantil, tanto en competicións masculinas como femininas, e os partidos terán un impacto directo na selección dos representantes galegos para o Campionato de España de clubs. En total disputaranse 8 encontros por día, no que as 4 semifinais celebraranse pola mañá, quedando os terceiros e cuartos postos e as finais para a quenda de tarde.
Nesta competición participarán clubs de toda Galicia, cunha estimación de máis de 500 persoas entre xogadores/as e técnicos, contando os afeccionados que se desprazarán para animar aos seus equipos.
As datas e horarios as seguintes:
- Sábado 05 Abril – Final CG masculino e feminino xuvenil.
- Semifinais femininas (10:00) – CD Korbis vs. CV Ciudad de A Coruña / Arenal Emevé vs. CV Oleiros.
- Semifinais masculinas (12:00) – Volei Dumbría vs. Rotogal Boiro / CD Korbis vs CV Oleiros.
- 3º/4º posto feminino (16:00)
- Final feminina (17:00)
- 3º/4º posto masculino (18:00)
- Final masculino (19:00)
- Domingo 06 abril – Final CG masculino e feminino infantil.
- Semifinais femininas (10:00) – CV Ciudad de A Coruña vs. CD Korbis / Liceo la Paz vs. CV Ribeira Sacra.
- Semifinais masculinas (12:00) – Rotogal Boiro vs. Aldebarán San Sadurniño / Arenal Emevé vs CV Ciudad de A Coruña.
- 3º/4º posto feminino (16:00)
- Final feminina (17:00)
- 3º/4º posto masculino (18:00)
- Final masculino (19:00)
