O vólei praia dos nosos pequenos ten a súa derradeira proba da Copa Deputación da Coruña Vólei Praia de Categorías Inferiores os vindeiros días 16 e 17 en Sada.
A Praia das Delicias volve a ser o emprazamento no que acollerá a derradeira proba desta competición que pecha a súa terceira edición grazas á Deputación da Coruña e o Concello de Sada.
Decidiranse os campions de cada categoría polos puntos do ranking acadados nas 4 probas, con ceremonia de premiación ao rematar a xornada.
A continuación a normativa do torneo:
DATAS E FORMATO
➢ SUB19 E INFANTIL Masculino e Feminino (equipos de 2 xogadores):
○ Sábado 16 de agosto.
○ Formato a determinar segundo número de inscritos.
➢ CADETE E ALEVÍN Masculino e Feminino (equipos de 2 xogadores e alevin ata 3)::
○ Domingo 17 de agosto.
○ Formato a determinar segundo número de inscritos.
COTA DE INSCRIPCIÓN:
○ Alevín e Infantil: 5€ / xogador
○ Cadete e Sub19: 8€ / xogador
(Banco de Sabadell ES71 0081 0499 6400 0137 8440 )
➢ O prazo para inscribirse é ata o luns 11 de agosto ás 24:00h, publicándose a lista de entrada provisional o mércores, e o xoves a lista definitiva tras atender ás reclamacións. Despois, o venres, os cadros de competición.
➢ Para rexistrar a participación deberase cubrir o formulario web habilitado para este proceso, achegando o xustificante de pagamento. Para unha mellor organización económica da proba, o ingreso farase no prazo que vai entre a publicación dos listados definitivos da proba e o venres 15/ago antes das 15:00h, enviando o xustificante de pago adxunto ao mail competicions@volei.gal , a poder ser, nun unico pagamento por club.
OUTRAS CONSIDERACIONS:
➢ Non haberá límite de equipos inscritos para categoría.
➢ Os xogadores de calquera equipo non poderán estar inscritos en dúas categorías diferentes para o mesmo día.
