O futuro do noso deporte ten unha cita marcada no calendario: o vindeiro sábado 9 de maio, a localidade de Narón acollerá unha nova e emocionante xornada da Copa Alevín. Este encontro está pensado para que os nenos e nenas desta categoría sigan sumando experiencias, aprendizaxe e, sobre todo, moita diversión arredor do balón nun ambiente de convivencia deportiva.
A organización desta proba é froito do esforzo conxunto entre a Federación Galega de Voleibol, o Concello de Narón, a Deputación da Coruña e o club local Voleibol Narón. Este apoio institucional e técnico é o motor que permite que a canteira galega conte con espazos de calidade para medrar deportivamente e consolidar a afección polo voleibol dende as idades máis temperás.
Participación e inscricións: Seguindo a normativa da competición, os clubs poderán anotar un máximo de 5 equipos por entidade. Cada conxunto deberá estar composto por un mínimo de 4 deportistas e un máximo de 10. As inscricións formalizaranse enviando o formulario G11 debidamente cuberto ao correo correo@volei.gal.
Prazos de xestión: Para asegurar o correcto desenvolvemento da xornada, establécense os seguintes prazos límite:
- Luns 4 de maio (20:00h): Peche para a tramitación de licenzas individuais.
- Martes 5 de maio (20:00h): Límite para o envío de formularios de inscrición de equipos (G11).
- Mércores 6 de maio: Publicación das listaxes provisionais.
- Xoves 7 de maio: Publicación das listaxes definitivas.
Dende a FGVB animamos a todos os clubs a participar nesta gran festa do #voleigalego base en Narón.
Descargue o formulario G11 na seguinte ligazón.
