A Federación Galega de Voleibol, seguindo co seu programa formativo para o fortalecemento do estamento arbitral, convoca oficialmente un novo curso de Anotador de Voleibol. Esta formación nace co obxectivo de aumentar o número de membros do estamento e dar cobertura ás necesidades das competicións autonómicas.
Detalles do curso e plan de estudos
A formación consta dun total de 8 horas lectivas que se impartirán nunha única xornada teórica o sábado 6 de xuño, en horario de 10:00 a 14:00 e de 16:00 a 20:00 horas.
O profesorado estará composto por árbitros de Nivel III con experiencia en competicións nacionais e autonómicas, quen impartirán as seguintes materias:
- Regulamento comentado.
- Técnica de anotación.
- Introdución á acta electrónica.
- Sesións prácticas.
Formato mixto e prácticas
O curso terá un formato presencial a distancia para a parte teórica a través da plataforma Zoom. Os alumnos deberán contar con conexión a internet, cámara e son, permanecendo conectados e visibles durante toda a formación.
A parte práctica coordinarase co alumnado para ser realizada durante os encontros amigables que as Seleccións Galegas disputen como preparación previa ao CESA 2026.
Inscrición e requisitos
Para participar, os interesados deben ser maiores de 16 anos (ou cumprilos durante este 2026). O procedemento para formalizar a praza é o seguinte:
- Custo: 30,00 €.
- Prazo: Ata o xoves 4 de xuño ás 13:00 horas.
- Método: Cumplimentar o formulario habilitado na nova e adxuntar o xustificante de ingreso bancario.
Para obter a cualificación de apto, será imprescindible asistir ao 100% das clases, superar as materias, entregar os traballos solicitados e realizar as prácticas regulamentarias.
