Arranca a conta atrás para o inicio da tempada estival na area. A Federación Galega de Voleibol anuncia a apertura do prazo de inscrición para a 1ª proba do circuíto de Vólei Praia Federado 2026. Este evento está organizado pola empresa Verán Deportivo en estreita colaboración co Concello de Sanxenxo, garantindo un escenario inmellorable para esta competición na area.
O torneo reunirá ás mellores parellas do panorama autonómico e será o punto de partida dun verán que se prevé intenso e cheo de gran nivel deportivo.
Inscricións e detalles do evento
Todos os deportistas interesados en participar xa poden consultar a información completa da proba, os requisitos de participación e formalizar o seu rexistro de xeito oficial a través da plataforma autorizada.
As prazas tramitaranse por estrito orde de inscrición ata completar a listaxe definitiva de participantes. Podes acceder directamente ao portal de rexistro e asegurar o teu posto na area premendo na seguinte ligazón:
👉 Inscricións e información: 1ª Proba Circuíto Vólei Praia Federado 2026
