A Federación Galega de Voleibol anuncia a convocatoria oficial das nosas promesas do volei praia, que porán rumbo ás Illas Canarias este mes de xullo para disputar os Campionatos de España de Seleccións Autonómicas (CESA). Os nosos combinados autonómicos buscarán deixar o pavillón galego no máis alto en dúas das citas máis importantes do calendario nacional de base.
A continuación, detallamos a información de ambos os torneos nos que participarán as nosas seleccións:
Campionato de España Sub-21
A primeira quenda será para a categoría Sub-21, que viaxará a Gran Canaria para desputar o título nacional nunha das praias de maior referencia do panorama nacional e internacional. Esta cita é esencial para o volei praia de base, onde os nosos talentos competirán nunha contorna do máis alto nivel.
- Datas: Do 17 ao 19 de xullo.
- Sede: Praia de Las Canteras (As Palmas de Gran Canaria).
- Organización: Real Federación Española de Voleibol (RFEVB) e Federación Canaria de Voleibol.
Durante tres días, a histórica area grancanaria acollerá as mellores seleccións autonómicas do país, que loitarán por proclamarse campioas de España nun torneo marcado pola esixencia competitiva.
Campionato de España Sub-19
Apenas uns días despois, tomará a testemuña a categoría Sub-19. O torneo reunirá ás mellores seleccións autonómicas de menores de 19 anos nunha contorna de alto rendemento, converténdose no epicentro do talento novo do volei praia español.
- Datas: Do 24 ao 26 de xullo.
- Sede: Praia de Los Cristianos (Santa Cruz de Tenerife).
- Organización: Real Federación Española de Voleibol (RFEVB) e Federación Canaria de Voleibol.
A continuación deixamos a lista dos xogadores e xogadoras convocadas:
