A Federación Galega de Voleibol, a través da Escola Galega de Adestradores e co obxectivo de mellorar o proceso de aprendizaxe e a experiencia en eventos nacionais dos adestradores/as galego/as, oferta de novo 4 becas en voleibol para acompañar ás seleccións galegas nos seus adestramentos e competicións na temporada 23/24.
Poderán optar a estas becas os adestradores e adestradoras que nos últimos 5 anos obtiveran o título Nivel I , Nivel II o Nivel III, e participarán nas Xornadas de tecnificación da FGVB, así coma nas concentracións previas e no CESA 2024, así coma da entrega dun documento acreditativo da experiencia profesional.
Os solicitantes, que deberán de enviar a súa candidatura a través dun correo a dtecnico@volei.gal xunto ca copia do seu título e a folla de inscrición , deberán cumprir obrigatoriamente os seguintes requisitos:
- Ser maior de idade.
- Estar en posesión do Nivel I, Nivel II o Nivel III de voleibol, obtido do 2018 en adiante (incluído).
- Disponibilidade para acudir ás concentracións das SSAA programadas e CESA 2023-24 nas datas anteriormente indicadas.
A data límite para recibir as solicitudes será o vindeiro xoves 2 de novembro ás 12:00, anunciando os/as seleccionados/as a semana seguinte.
