A tempada de voleibol en Galicia encara a súa recta final coa celebración das Finais do Campionato Xunta de Galicia 2026. Esta serie de xornadas non son só o punto culminante do noso calendario, senón o escenario onde se decidirán os novos campións e campioas galegos de cada categoría.
Pero o prestixio autonómico non é o único que está en xogo. Nestas finais, os equipos competirán pola obtención das prazas que dan acceso directo aos Campionatos de España de Clubs, representando a Galicia no máis alto nivel nacional.
O formato de competición será de catro partidos en cada evento, ca seguinte disposición:
- 10:00 h: Primeira Semifinal.
- 12:00 h: Segunda Semifinal.
- 16:30 h: Partido polo 3º e 4º posto.
- 18:30 h: Gran Final.
Dende a Federación Galega de Voleibol queremos expresar o noso máis profundo agradecemento aos clubs organizadores polo seu traballo loxístico, así como ás distintas Deputacións e Concellos que fan posible que estas finais se celebren en instalacións de primeiro nivel.
De xeito moi especial, destacamos o apoio de GADIS, como patrocinador principal, cuxo compromiso co deporte base e a promoción de hábitos saudables é fundamental para o éxito deste campionato.
Sedes e Calendario das Finais 2026
Grazas á colaboración imprescindible dos clubs organizadores, estas son as citas confirmadas para decidir aos novos campións e campioas de Galicia:
Categoría Xuvenil
- Xuvenil Feminino: 28 de marzo – Pavillón A Pinguela, Monforte de Lemos (Org: Club Korbis).
- Xuvenil Masculino: 29 de marzo – Pavillón A Pinguela, Monforte de Lemos (Org: Club Korbis).
Categoría Infantil
- Infantil Feminino: 12 de abril – Colexio Liceo La Paz, A Coruña (Org: Liceo La Paz).
- Infantil Masculino: 11 de abril – Pavillón A Cachada, Boiro (Org: CV Cabo de Cruz).
Categoría Júnior
- Júnior Feminino: 12 de abril – Palacio Municipal de Deportes, Lugo (Org: Club Arenal Emevé).
- Júnior Masculino: 11 de abril – Pavillón da Xunqueira, Pontevedra (Org: Club Voleibol Pontevedra).
Categoría Cadete
- Cadete Feminino: 18 de abril – Pavillón da Xunqueira, Pontevedra (Org: Club Voleibol Pontevedra).
- Cadete Masculino: 18 de abril – Pavillón Casa do Deporte, Lugo (Org: Club Emevé).
Categoría Sénior
- Sénior Feminino: 19 de abril – Pavillón O Pombal, Cambados (Org: CV XAV Cambados).
- Sénior Masculino: 19 de abril – Pavillón da Xunqueira, Pontevedra (Org: Club Voleibol Pontevedra).
Categoría Alevín e Benxamín
- Alevín (Masc. e Fem.): 26 de abril – Pavillón A Solaina, Narón (Org: CV Narón Volea).
- Benxamín Feminino: 25 de abril – Pavillón José Manuel Abuín, Rianxo (Org: CV Rianxo).
Agardámosvos a todos e todas nas bancadas para vibrar co mellor volei de Galicia!
