A Copa Federación 2026 chegou ao seu fin tras o derradeiro fin de semana de competición no que se definiron os primeiros títulos oficiais do curso autonómico. O torneo serviu como un inmellorable banco de probas e posto a punto para os diferentes clubs galegos, marcando o preámbulo perfecto para o arranque da fase regular das ligas territoriais.
Cadro de honra da Copa Federación 2026
Tras a disputa das correspondentes fases de clasificación e finais, o palmarés da Copa Federación 2026 queda configurado da seguinte maneira:
Categorías Masculinas
- Júnior: CV Oleiros
- Xuvenil: Arenal Emevé
- Cadete: Jealsa Boiro
- Infantil: Arenal Emevé
- Alevín: CV Narón Volea
Categorías Femininas
- Júnior: CV Ciudad A Coruña
- Xuvenil: Arenal Emevé
- Cadete: CD Korbis
- Infantil: AD. Liceo La Paz
- Alevín: CV Narón Volea
Configuradas as divisións rumbo á fase regular
Ca definición dos Campións da Copa Federación e a conclusión do Torneo Apertura, quedan definitivamente conformadas as distintas divisións e grupos para esta tempada 2026/27. A Federación Galega de Voleibol quere felicitar a todos os conxuntos campións e agradecer a implicación, esforzo e xogo limpo amosado por clubs, deportistas, corpos técnicos e colectivo arbitral.
Coa posta a punto completada e o mapa de competicións definido, este mesmo fin de semana dará comezo a liga regular, na que os equipos loitarán semana a semana polos obxectivos da tempada.
