Remata con éxito o I Campeonato de España Junior Masculino nos concellos de Ames, Brión e Negreira.
O mellor vólei nacional completou o I Campeonato de España Junior Masculino da historia, celebrado simultáneamente nos pavillóns de Bertamiráns (Ames), Brión e Pedra Mámoa (Negreira) do 25 ao 29 de maio.
Durante 5 días estes tres concellos acolleron aos 21 equipos que loitaron por coroarse como o primeiro campión da categoría, achegando tamén aos veciños un deporte con pouca presenza na zona ata o momento e que arraigou debido ao interese mostrado a través do aforo rexistrado nos pavillóns.
No aspecto deportivo o CV Valencia alzouse como campión do torneo ante un CV Palma na final do domingo cun 3-0 , facendo as delicias dun público asistente que encheu o Pedra Mámoa de Negreira, e quedando o Cisneros Alter e Barça VB no terceiro e cuarto posto respectivamente.
Destacar o gran papel da participación galega, cun Club Deportivo Aldebarán San Sadurniño que acadou unha meritoria quinta posición e un Jealsa Boiro VB que ascendeu ata a séptima, despois de caer na fase de grupos previa ás semifinais.
No aspecto organizativo a Federación Galega de Voleibol quere agradecer aos tres concellos a súa gran colaboración ao longo do campionato a través de alcaldes, concelleiros de deportes, técnicos e responsables das instalacións entre outros, que axudaron á exitosa celebración dun evento deportivo tan complexo ao estar ubicado en tres sedes.
Agradecer tamén a institucións coma á RFEVB, Deputación da Coruña, CV Noia, CV Santiago e CB Brión o seu apoio na consecución do mesmo, así coma aos voluntarios e voluntarias que estiveron a traballar no evento e que fixeron máis doada a competición para deportistas, técnicos e asistentes.
Pode consultar a clasificación e demáis aspectos relacionados co campionato no apartado específico da web da RFEVB.
- Publicado en Eventos FGVb, Federación
Presentación do Campeonato de España Junior Masculino nos concellos de Ames, Brión e Negreira.
Hoxe presentouse no Auditorio de Negreira o I Campeonato de España Junior Masculino, que se celebrará do 25 ao 29 deste mismo mes nos concellos de Ames, Brión e Negreira.
Á presentación acudiu Dña. Cristina Capelán Cancelo (Deputada de Deporte e Mocidade, Deputación da Coruña), D. Jose Ángel Luna Bargo (Presidente da Federación Galega de Voleibol e Vicepresidente da RFEVB), D. Pablo Lago Sanmartín (Alcalde do Excmo. Concello de Brión), D. José Blas García Piñeiro (Alcalde do Excmo. Concello de Ames) e D. M. Ángel Leis Míguez (Alcalde do Excmo. Concello de Negreira).
O campionato, organizado polo Padre Faustino Calasancias Voleibol, reunirá aos mellores 21 equipos junior masculinos de España, que pelexarán polo título durante 5 días, decidíndose o vencedor no Pavillón Pedro Mámoa de Negreira o vindeiro domingo.
O Presidente da Federación Galega de Voleibol, Jose Ángel Luna Bargo, agradeceu » a implicación da Diputación de A Coruña coma dos Concellos de Ames, Brión e Negreira neste proxecto, xa que estas colaboracións posibilitan traer grandes eventos a concellos pequenos de Galicia e produce un gran impacto nas economías locais».
Tamén convidou a veciños e veciñas da comarca a acudir a un torneo que «reunirá a talentos presentes e futuros do voleibol nacional, e que seguro brindarán un gran espectáculo para todos/as os/as asistentes».
Próximamente presentaránse as redes sociais do Campionato, onde se poderá seguir a actualidade do mesmo, así coma no apartado específico da web da RFEVB.
- Publicado en Competicións voleibol
Nova convocatoria das Seleccións Galegas
Os xogadores e xogadoras seleccionadas polos técnicos da Federación Galega de Voleibol realizarán unha nova concentración para preparar os Campeonatos de España de Seleccións Autonómicas que se celebrarán en Valladolid na última semana de xuño e primeira de xullo.
Nesta ocasión, os días 4 e 5 de xuño as nosas Seleccións Autonómicas cadete e infantil voltarán a Quiroga, comezando a tarde do día 4 ca chegada dos cadetes as 16:00 e dos infantiles as 18:00, quedando a recollida dos xogadores as 17:30 e 19:30 respectivamente do día 5.
A continuación pasamos a enumerar os xogadores/as seleccionados/as, que recordamos que deben presentar obrigatoriamente para esta concentración certificado de vacunación, de recuperación ou test de antíxenos negativo nas 24 horas previas, así como levar o DNI e tarxeta sanitaria, incluíndo tamén roupa de adestramento e útiles de aseo persoal.
- Publicado en Seleccións voleibol
Definido o Corpo Técnico das Seleccións Galegas 21/22
A Federación Galega de Voleibol fai hoxe oficial os seleccionadores e seleccionadoras galegos/as que dirirxirán as seleccións autonómicas nos vindeiros CESA nas modalidades de pista e praia.
O Volei Galego estará dirixido polos seguintes técnicos, que xa supervisaron as concentracións realizadas en A Estrada e viaxaron ao Madrid Spring Trophy, acundido próximamente á Xornada de Supervisión e Control de Oira de volei praia o día 29 deste mes así coma á concentración que se realizará en Quiroga os días 4 e 5 de xuño de pista, da que publicaremos as listas de convocados/as ao longo desta semana.
Dende a Federación Galega de Voleibol confiamos e desexámoslle a maior das sortes tanto aos nosos/as técnicos/as coma aos nosos/as deportistas, agardando repetir éxitos nos Campionatos de España de Seleccións Autonómicas coma na pasada edición.
- Publicado en Seleccións vólei praia, Seleccións voleibol
Xornada de Supervisión e Control de Volei Praia en Oira.
O vindeiro día 29 de maio celebrarase no complexo deportivo de Oira Praia a primeira Xornada de Supervisión e Control de Volei Praia desta tempada 2022. Os xogadores e xogadoras galegos comezarán a preparar a súa tempada deportiva ao longo de todo un día acompañados dos técnicos da FGVB, ademáis de contar cunha visita moi especial.
Estas xornadas visitaranos Marco Pirés, adestrador e Seleccionador da Concentración Nacional de Vólei Praia da RFEVB, que compartirá os seus coñecementos cos/as técnicos e xogadores/as do volei praia galego asistentes.
Estarán destinadas ás categorías cadete e infantil (cun límite de 15 persoas por categoría) e os seguintes horarios tendo en conta o parón incluido para comer:
- Infantil feminino e masculino: 10 a 12 e de 16 a 18.
- Cadete feminino e masculino: 12 a 14 e de 18 a 20.
Para a inscripción nestas xornadas deberase cumprimentar o formulario dispoñible na sección de descargas da nosa web, así coma o pago de 20€ no número de conta: ES71 0081 0499 6400 0137 8440, Banco de Sabadell, S.A. Para formalizar esta inscrición deberase enviar o xustificante de pago e o formulario a adestradores@volei.gal antes do xoves 26 as 12:00 horas.
Descargue aquí o formulario de inscrición para as Xornadas de Supervisión e Control
- Publicado en Supervisión e control
Curso Adestrador Nivel I Vólei Praia
A Federación Galega de Voleibol convoca un novo curso de adestrador nivel 1 para a modalidade de vólei praia os vindeiros días 11 e 12 de xuño. O obxecto da convocatoria é completar a formación deportiva de Adestrador Federativo de Vólei Praia de Nivel I mediante ensinos que acrediten a obtención do Diploma Federativo, podendo adestrar categorías de vólei praia Infantil (Sub-15) e Cadete (Sub-17) das competicións organizadas polas Federacións de Voleibol de ámbito Autonómico e Nacional.
HORARIOS
Horario intensivo de 9 a 14 e de 16 a 21
LUGAR
Instalacións deportivas de Oira ( Ourense)
PRAZO DE INSCRICIÓN
Ata o 09 de xuño do 2022
PREZO
100 €
REQUISITOS PARA OBTENCION DO TITULO FEDERADO
Poderán acceder ao curso segundo o regulamento da Escola galega de adestradores:
- Ter 16 anos cumpridos ou facelo no ano de celebración do curso.
- Estar en condición óptima para a realización de actividade física, non presentando ningunha patoloxía severa que lle impida a participación nas clases prácticas.
- A titulación definitiva outorgarase despois de realizar un período de prácticas dunha duración mínima dunha tempada deportiva.
Pode consultar toda a información da convocatoria na seguinte ligazón.
- Publicado en Formación adestradores
Becas CESA Vólei Galego Praia
Despois da gran acollida das Becas CESA Volei Galego para as Seleccións Galegas de pista, a Federación Galega de Voleibol quere seguir promocionando os adestradores de voleibol galego co lanzamento da mesma iniciativa para a modalidade de praia.
Do mesmo xeito, a través da Escola Galega de Adestradores ofrecerá 4 becas para acompañar as Seleccións Galegas nos vindeiros CESA 2022 de praia que se celebrarán do 16 ao 20 de agosto (categorías infantil e cadete), do 23 ao 25 (Sub 19 ) e do 26 ao 28 de agosto (Sub 21).
Os adestradores e adestradoras que nos últimos 5 anos obtiveran o título nivel I ou II poderán participar como apoio nas concentracións cadete e infantil masculinas e femininas desta tempada 21/22, formando parte tamén na expedición que acudirá ao Campionato de España de Seleccións Autonómicas.
Para enviar a candidatura os solicitantes deberán de enviar un correo electrónico a adestradores@volei.gal xunto ca copia do seu título, e deberán cumprir obrigatoriamente os seguintes requisitos:
- Ser maior de idade.
- Estar en posesión do nivel I ou nivel II de voleibol praia, obtido do 2017 en adiante (incluída a vindeira edición de xuño de 2022).
- Disponibilidade para acudir ás concentracións das SSAA programadas e CESA 2022 nas datas anteriormente indicadas.
A Federación Galega de Voleibol e a Escola Galega de Adestradores faranse cargo dos custes asociados para os becados que inclúe a viaxe, manutención e aloxamento, así coma da entrega dun documento acreditativo da experiencia profesional.
- Publicado en Formación adestradores
Nova designación internacional para Marcos Folgar, colexiado galego.
Según confirmación da Real Federación Española de Voleibol esta misma mañán, o galego Marcos Folgar foi designado como árbitro internacional para formar parte do equipo que dirixirá un dos vindeiros encontros da Women Golden League que terán lugar en España próximamente.
O día 11 de xuño exercerá de 2º árbitro no encontro España vs Francia no Polideportivo Municipal de Valladolid, sumando outro encontro para o coruñés neste ámbito da élite deportiva, no que se mantén como único colexiado de categoría internacional do voleibol galego.
Dende a Federación Galega de Voleibol queremos felicitar a Marcos pola designación e desexarlle a mellor das sortes no seu desempeño arbitral, así coma agradecer a confianza da RFEVB nos colexiados galegos.
- Publicado en Competicións voleibol