O presidente da Federación Galega de Voleibol, D. Jose Ángel Luna, tivo o privilexio de acompañar onte a Mireya Luis Hernández, unha das mellores xogadoras de voleibol da historia e recentemente reeleita como Vicepresidenta Executiva da FIVB, durante a súa visita ao CV Oleiros.
Na súa charla cos xogadores e xogadoras do club, compartiu a súa inspiradora traxectoria: desde os humildes comezos nun pequeno pobo de Cuba ata alcanzar o máis alto nivel, proclamándose campioa olímpica en tres ocasións consecutivas, todo grazas aos valores de esforzo, perseveranza e paixón que fixeron de Mireya un exemplo dentro e fóra das pistas.
Palmarés Internacional de Mireya Luis Hernández.
- 3 veces campioa olímpica:
- Oro en Barcelona 1992, Atlanta 1996 e Sidney 2000 coa selección de Cuba.
- 2 veces campioa do mundo:
- Oro nos Mundiais de 1994 (Brasil) e 1986 (Checoslovaquia).
- 4 veces campioa da Copa do Mundo de Voleibol:
- Oro en 1989 e 1991.
- 3 veces campioa do Gran Premio Mundial de Voleibol:
- Oro en 1993, 1994 e 1998.
- Múltiples ouros en campionatos continentais:
- Campionatos NORCECA (Confederación de América do Norte, Central e Caribe).
Distincións e recoñecementos individuais:
- Foi recoñecida como unha das xogadoras con mellor salto no voleibol, alcanzando os 3,39 metros en ataque.
- Nomeada como unha das mellores xogadoras de voleibol do século XX pola FIVB.
- Incorporada ao Salón da Fama do Voleibol Internacional en 2004.
A súa traxectoria está marcada non só polos títulos, senón tamén pola súa capacidade de liderado e inspiración, sendo un modelo para moitas xeracións de xogadores e xogadoras. Dende a FGVB agradecemos profundamente a Mireya por esta enriquecedora visita e a súa atención cos pequenos do #voleigalego.
