Tras a celebración da primeira proba o pasado día 2 de marzo en Ourense, o Polideportivo Municipal de A Pinguela acollerá unha nova proba dos nosos pequenos deportistas nas 6 pistas habilitadas para a competición prebenxamín e benxamín, que terá comezo ás 10 da mañán deste sábado 15.
A Tenente de Alcalde de Monforte de Lemos, Gloria Prada, e o Concelleiro de Deportes, José Manuel Mougán, recibiron onte ao Director Técnico da Federación Galega de Voleibol, Juan Carlos Suárez, ao presidente do Club Korbis, Roberto Castro, e ao responsable da sección masculina do Club Korbis, Miguel Ángel de la Gama para celebrar a presentación da 2ª proba do Campionato Galego de Voleibol Benxamín e Prebenxamín en Monforte.
A Tenente de Alcalde destacou que “para o Concello de Monforte sempre é un pracer albergar eventos deportivos de categorías de base, pois como ben expresa o cartel que temos aquí deste Campionato, eles son as futuras estrelas, neste caso do volei galego, e por iso debemos apoialas”.
A Federación Galega de Voleibol quere dar as grazas ao Concello de Monforte, así coma ao CD Korbis, polas facilidades e a colaboración para levar esta competición de novo á provincia de Lugo, e que permitirá aos nosos pequenos desfrutar dos seus encontros.
Máis información sobre a presentación na seguinte ligazón.
