A area de Ourense volve ser protagonista no calendario autonómico. Os vindeiros 20 e 21 de xuño, o Complexo Deportivo de Oira será o escenario da segunda proba do Circuíto Oira Praia 2026. Este evento, organizado polo Club Volei Praia Milenio Ourense, será puntuable tanto para o Ranking Galego como para o Ranking Nacional. O torneo estará aberto a todas as parellas federadas que desexen participar, dividíndose nas categorías Senior/Sub-21 Feminino e Senior/Sub-21 Masculino.
Para poder formar parte da competición, será imprescindible contar coa licenza federativa e o seguro deportivo en vigor (cunha data límite de tramitación fixada para o 15 de xuño de 2026).
O criterio de entrada ao cadro do torneo regularase a través dos puntos acumulados no ranking nacional e galego a día 15 de xuño. No caso de non dispoñer de puntuación, o acceso determinarase estritamente por orde de inscrición.
- Prazo límite de inscrición: ata o martes 16 de xuño ás 20:00 horas.
- Prezo: 30 € por parella (15 € por deportista), que inclúe auga e froita durante todo o evento.
- Procedemento: Débese realizar unha transferencia bancaria de 30 € ao número de conta de Abanca do club (ES93 2080 0475 5630 4001 4565) indicando no concepto o nome da parella e da proba. Posteriormente, hai que formalizar o rexistro e achegar o xustificante de pago no seguinte formulario oficial:
- Formulario de Inscrición – 2ª Proba Oira Praia
Contacto para dúbidas ou incidencias: Se algunha parella ten problemas para acceder ao formulario ou precisa información sobre aloxamento e manutención, pode contactar coa organización a través do correo cvpmilenio@gmail.com o no teléfono 646 923 389.
Equipación de xogo: Lembrase que todos os deportistas teñen a obriga de competir debidamente uniformados coa camiseta de xogo do seu respectivo club e co dorsal visible.
Documentación oficial do torneo
Podes consultar e descargar todos os detalles regulamentarios, premios e a normativa completa do evento no seguinte documento adxunto:
📎 [DESCARGAR AQUÍ AS BASES E NORMATIVA DO CIRCUÍTO OIRA PRAIA 2026 (PDF)]
