Eleccións 2022: Presentación de candidaturas
Ata o día 1 de setembro estará aberto o prazo para a presentación de candidaturas a membros da Asemblea Xeral, poderase facer mediante escrito dirixido á Xunta electoral xunta.electoral@fgvb.es.
Toda a información sobre o proceso electoral pódese atopar na sección Proceso Electoral do apartado Federación da web volei.gal.
- Publicado en Federación
Convocatoria Curso de Árbitro Nivel I e de Anotador/Acta electrónica.
A evolución crecente de equipos nas competicións autonómicas, xunto coa maior presencia de equipos galegos en Competicións Nacionais, fan que a necesidade de árbitros sexa maior cada tempada. Ademáis, o natural relevo xeracional que se da o igual que en outros estamentos, fan que se teña que buscar e promocionar a alta de novos colexiados.
Por todo isto, a Federación Galega de Voleibol, a través do Comité Técnico Galego de Árbitros, convoca o curso de Árbitro de Voleibol Nivel I e de Anotador/Acta electrónica para o comezo de esta nova temporada 2022/23.
Datos básicos do curso de árbitros Nivel I
- Datas: 17 e 18 de setembro (2 días).
- Horarios: De 10:00 a 14:00 e de 16:00 a 20:00 horas ambos días.
- Lugar: Salón de Actos do Complexo Deportivo de Elviña, sito en Plaza Agustín Díaz, nº1, en A Coruña.
- Prezo: 70 €/asistente
Datas e horarios do curso de Anotador/Acta electrónica
- Datas: 18 de setembro de forma presencial, e o domingo 25 de setembro de forma videopresencial (2 días).
- Horarios: De 10:00 a 14:00 horas ambos días.
- Lugar: Salón de Actos do Complexo Deportivo de Elviña, sito en Plaza Agustín Díaz, nº1, en A Coruña.
- Prezo: 35,00€ por asistente para ao curso de anotador, e de 15,00€ para o de acta electrónica
Para formalizar a inscrición en calquera das modalidades, débese enviar o modelo G-13 II que se atopa publicado no apartado de descargas de FGVb, e envialo cumprimentado a conta de correo de correo@volei.gal con copia a arbitros@volei.gal antes do día 15 de setembro as 13:00 horas xunto co xustificante de pago á conta indicada.
- Publicado en Federación, Formación árbitros
O Vólei Praia Galego xa ten aos seus Campións e Campioas
Ca celebración da proba do Circuito Galego de Vólei Praia de Categorías Inferiores de Boiro e a imposibilidade de celebrar a proba de Malpica debido ás comunicacións recibidas este luns polo Concello, o noso vólei praia pecha a temporada 2022.
Despois das tres probas desputadas en Dumbría, A Coruña e Boiro, os/as nosos/as pequenos/as xa teñen a súa clasificación final no ranking galego, do mesmo xeito que xa se coñecen os clubs campións da modalidade.
Tras o reconto final, os ourensáns do Club Ourense Vólei Praia acadan a primeira posición na temporada de verán, seguidos polo Club Vólei Praia Vigo e o Dumbría Vólei na segunda e terceira posición respectivamente. A continuación facemos repaso do resto da clasificación por clubs e por categoría, pudendo consultar a clasificación individual dos xogadores no arquivo en línea dispoñible.
Finalmente agradecer a institucións, concellos e autoridades locais que fixeron posible durante este verán de 2022 que os/as nosos/as deportistas pudieran realizar as actividades, así como tamén ás empresas privadas e colaboradores que apostaron polo noso deporte. Grazas tamén a clubs locais e participantes, xogadores/as , adestradores/as, árbitros e familiares, fundamentais no desempeño destas probas e aos que citamos xa para o ano que ven.
- Publicado en Competicións vólei praia, Vólei Praia Cat. Inferiores
Gran papel dos árbitros do Vólei Praia Galego no verán de 2022.
O vólei praia non é únicamente sinónimo de éxito para os nosos/as xogadores/as e clubs no panorama nacional. Tamén para o noso colectivo arbitral, que segue a amosar o gran momento de forma do noso voleibol na modalidade de praia, contando cada vez con máis presenza en probas coma o Circuito Nacional de Vóley Playa ou os Campionatos de España de Seleccións Autonómicas.
Durante este verán de 2022 os nosos árbitros están a ter unha gran presenza ao longo da península, xa que as competicións nacionais de vólei praia teñen cada vez máis árbitros galegos debido ao gran nivel que están a amosar.
Entre os colexiados e colexiadas destacados este verán están Laura Olveira, Carlos Pimentel e Iria Causín.
Laura Olveira, que actuamente conta co Nivel II en Vólei Praia, participou este ano no Campionato de España Cadete de clubs celebrado no Concello de Dumbría e no Campeonato de España de Selecciones Autonómicas de Lorca, dirixindo a final infantil masculina.
O boirense Carlos Pimentel, que conta co Nivel III, estivo presente na final da Liga Nacional de Vólei Praia chegando a arbitrar a final en Murcia, no Campionato de España Cadete de Dumbría e participou tamén na proba 3* do CNVP Concello de Boiro co papel protagonista na final masculina. Ademáis, viaxará esta semana esta semana ao Campionato de España de Seleccións Autonómicas Sub 19 e Sub 21 en Madrid.
Iria Causín, Nivel III, cumpleu exitosamente o seu papel no Campionato de España Cadete de Dumbría pitando a final con Laura, ademáis de participar na proba de 3* do Circuito Nacional de Vóley Playa celebrada en Galicia e viaxando proximamente tamén ao CESA Sub 19 e Sub 21 que comeza esta mesma semana en Madrid.
Dende a Federación Galega de Voleibol queremos felicitar a todos os nosos/as árbitros polo gran traballo que están a realizar, en especial aos mencionados, e animar a que sigan amosando o gran estado de forma do vólei galego tamén con respecto ao estamento arbitral.
- Publicado en Competicións vólei praia, Formación árbitros
Convocados novos cursos de adestrador Nivel I e II
A Federación Galega de Voleibol, en colaboración ca Escola Galega de Adestradores, comeza esta tempada 22/23 ca celebración de dous cursos de adestradores, ofertando plazas para obter o Nivel I e Nivel II.
Seguindo co obxectivo de formar técnicos con futuro e progresión e facilitar o acceso á formación técnica relacionada co voleibol en Galicia, congrégase aos aspirantes a adestradores/as de voleibol de toda Galicia nos próximos días, para formarse e titularse convenientemente e participar activamente na próxima campaña.
En horario de 10:00 a 14:00 e 16:00 a 20:00, nos próximos días 03-04, 10-11 e 24-25 de de setembro, os cursos serán de forma presencial no Palacio de Ferias e Congresos de Lugo e contarán con docentes expertos nas materias que instruirán aos novos/as adestradores/as do volei galego.
O prezo do curso será de 125 € no caso do Nivel I e 250 € para o Nivel II (Número de conta: ES71 0081 0499 6400 0137 8440, Banco de Sabadell, S.A) e recordamos que será obligatorio o envío dos formularios G-13 a dtecnico@volei.gal antes do próximo xoves 1 de septembro ás 19:00 horas.
- Publicado en Formación adestradores
Comeza o CESA Vólei Praia 2022
Mañán, día 16 comeza o Campeonato de España de Selecciónes Autonómicas cadete e infantil, que se celebrará ata o día 20 nas instalacións Centro Internacional de Vóley Playa de Lorca. O combinado galego, que xa se atopa concentrado na localidade, loitará con todo por chegar ata o máis alto dirixidos polos técnicos do vólei galego que acompañan á expedición.
Os representantes que defenderan as cores galegas serán:
MASCULINO
SUB 15
- Víctor López De Miguel – Club Ourense VP
- Xan Somoza Atanes – Club Ourense VP
SUB 17
- Francisco José Garea Fernandez – Dumbría Vólei
- Izan Rodríguez Beltrán – CD Korbis
FEMININO
SUB 15
- Andrea Beltrán Máquez – AD Liceo
- Ana Sánchez Nistal – AD Liceo
SUB17
- Inés Martínez Díaz – AD Liceo
- Itziar Vilarchao Gómez – Club Ourense VP
A continuación detallamos os horarios e os enfrentamentos de cada unha das seleccións, ás que desexamos a mellor das sortes nesta competición e na que terán todo o apoio do vólei galego.
- Publicado en Competicións vólei praia, Seleccións vólei praia
Convocada a XXXVI Asemblea Xeral Ordinaria da FGVb
O Presidente da Federación Galega de Voleibol, D. Jose Ángel Luna Bargo, convocou á XXXVI Asemblea Xeral Ordinaria da Federación Galega de Voleibol, que terá lugar, o próximo sábado 10 de setembro, ás 09:00 horas en primeira convocatoria e as 09:30 horas en segunda convocatoria, no Salón Ourense do Hotel Tryp Santiago, sito na Rúa do Restollal, número 24, de Santiago de Compostela, co seguinte Orde do día da Asemblea Ordinaria:
- Aprobación, se procede, da Acta da reunión anterior, celebrada en
Santiago o 2 de abril de 2022. - Informe do Presidente da Federación Galega de Voleibol.
- Peche do exercicio 2021.
- Programas de actuación da FGVb.
- Normas de competición para a temporada 2022-2023.
- Asuntos varios.
- Rogos e preguntas.
- Publicado en Competicións voleibol, Federación
Presentación do I Trofeo Concello de Boiro, proba 3* do CNVP
Hoxe, no Concello de Boiro, tivo lugar a presentación do I Trofeo Concello de Boiro, proba do Circuíto Nacional de Vóley Playa catalogada como 3 estrellas pola Real Federación Española de Voleibol.
Despois da súa primeira etapa en A Coruña durante a fin de semana pasada, a segunda e derradeira parada do CNVP en Galicia estará na praia de Barraña dende o xoves 11 ata o domingo 14, cando se xogarán as finais tanto na categoría masculina como feminina. Os partidos comezarán ás 16:00 horas do xoves, tendo competición mañán e tarde venres e sábado dende as 09:00 ata as 20:30, e quedando as finais para o domingo 14 pola mañán.
Este proxecto, que conta ca colaboración do Concello de Boiro, a axuda para a celebración da Deputación da Coruña, Vichy Catalan e John Smith, contará cas mellores parellas do Vólei Praia nacional, nun evento que pechará a temporada do deporte sénior de praia na nosa comunidade a nivel federado.
Ao evento acudiron D. Jose Carlos Rodríguez, Concejal de Promoción Económica e Turismo do Concello de Boiro e D. Jose Ángel Luna Bargo, Vicepresidente da RFEVB e Presidente da Federación Galega de Voleibol, que remarcaron a importancia do evento para o Concello e o vólei galego.
Pode consultar toda a información do campionato no apartado oficial da web da RFEVB.
- Publicado en Competicións vólei praia, Eventos FGVb, Vólei Praia Senior
Convocatoria Seleccións Galegas Vólei Praia
A Federación Galega de Voleibol fai oficial a lista de xogadores convocados para a concentración das seleccións galegas previa ao CESA de praia que se celebrará en Lorca do 16 ao 20 de agosto deste mesmo mes. Os xogadores exercitaranse do día 12 ao 14 deste mes na localidade de Dumbría, ás ordes dos técnicos da FGVB co fin de optar á lista definitiva que será comunicada o sábado pola noite a xogadores/as e que se fará pública ese mesmo fin de semana.
A continuación enumeramos os xogadores e xogadoras que deberán estar o día 12 en Dumbría, con hora de chegada as 16:00 horas e que deberán levar DNI, útiles de aseo e roupa para adestrar. No caso de ser seleccionado/a para a lista final, a expedición saldrá directamente o día 15 desde Dumbría. A hora de recollida dos non seleccionados será o domingo ás 18:30 para os Sub 17/Sub 19 e 20:00 horas o Sub 15.
CONVOCATORIA MASCULINA SUB15 Y SUB 17/19
- Oliver Mariuzza Pazos – VP Vigo
- Manuel Erín González – C. Ourense VP
- Daniel Iglesias Vázquez – C. Ourense VP
- Izan Rodríguez Beltrán – C. Korbis
- Víctor López De Miguel – C. Ourense VP
- Xan Somoza Atanes – C. Ourense VP
- Francisco Jose Garea Fernandez – Dumbría Voleibol
- Aaron Vidal Ferreirós – CV Boiro Voleibol
- Ángel Sánchez Baluja – VPV
- Iago Pego Pérez – CV Riveira
- Pablo Blanco Vizoso – CV Riveira
- José González Ubiera – C. Ourense VP
CONVOCATORIA FEMININA SUB15 Y SUB 17/19
- Andrea Beltrán Máquez – Liceo La Paz
- Ana Sánchez Nistal – Liceo La Paz
- Andrea Tubío Mariño – CV Rianxo
- Sara Fernández Villaverde – CDPF Calasancias
- Zayra Torrado Maneiro – CV Boiro Voleibol
- Laura Blanco Segade – CV Boiro Voleibol
- Inés Martínez Díaz – Liceo La Paz
- Itziar Vilarchao Gómez – C. Ourense VP
- Rocio Blanco Martin – C. Ourense VP
- Paula Beltrán Máquez – Liceo La Paz
- Uxía Solla Cebreiro – CV Pontevedra
- Zaida Rodríguez Outeiriño – C. Ourense VP
Recalcamos que da lista sub17/sub19 sairán os convocados para el CESA sub 17 e para o Campionato de España sub 19 a celebrar en Madrid a seguinte semana.
- Publicado en Competicións vólei praia, Seleccións voleibol
Gran remate de A Coruña é Vólei Praia co CNVP
O proxecto A Coruña é Vólei Praia, levado a cabo entre o Concello de A Coruña e a Federación Galega de Voleibol durante 3 fins de semana, rematou exitosamente onte despois de celebrar o Trofeo Cidade da Coruña, proba de unha estrela do Circuito Nacional de Vólei Praia.
Tras albergar a proba do Circuíto Galego de Categorías Inferiores o 23 e 24 de xullo e o Campionato Galego Sénior o 30 e 31 do mesmo mes, a praia de Riazor acolleu de novo unha proba de carácter nacional na que algunhas das mellores parellas do país fixeron as delicias dos asistentes.
Durante dous días de competición nas dúas pistas instaladas, os deportistas loitaron por unha medalla de ouro que se levaron as cántabras Vergara/Fernández na categoría feminina e os galegos Vázquez/Blanco do Club Vólei Praia Vigo na categoría masculina, nunhas finais que se celebraron o domingo as 17 e 18 horas respectivamente e cunhas gradas abarrotadas que non deixaron de animar en todo momento aos participantes.
Na posterior entrega de premiacións participaron a Concelleira de Deportes de A Coruña, Dna. Mónica Martínez, o Presidente da Federación Galega de Voleibol e Vicepresidente da RFEVB D. Jose Ángel Luna Bargo e os representantes do Grupo Popular de A Coruña D. Antonio Deus e D. Roberto Coira.
A Federación Galega de Voleibol quere agradecer unha vez máis a axuda prestada ao Concello de A Coruña, en especial á Concellería de Deportes e todo o seu equipo, por facer posible que durante 3 semanas a cidade fora o centro do Vólei Praia autonómico e nacional.
- Publicado en Competicións vólei praia, Eventos FGVb, Vólei Praia Senior
- 1
- 2