Xornada de Desenrolo e Formación en Marín
Marín acollerá a primeira das Xornadas de tecnificación adicadas aos nosos/as benxamíns e alevíns o vindeiro día 6 de decembro. Esta xornada, inicialmente calendada para o día 11, terá lugar no pavillón do Colexio San Narciso de Marín, xuntando a todas as cateogorías nun mesmo grupo que adestrarán en quenda de mañán e tarde.
Os horarios son os seguintes:
6 de decembro – categoría benxamín e alevín (masculina e feminina):
- 11:00 a 13:00 / 15:30 a 17:30
Para a inscripción nesta xornada deberase cumprimentar o formulario disponible na sección de descargas da nosa web, así coma o pago de 25 € (Número de conta: ES71 0081 0499 6400 0137 8440, Banco de Sabadell, S.A) enviando xustificante de pago e formulario a dtecnico@volei.gal antes do día 2 de decembro ás 12:00 horas .
Recordamos que este ano a Federación proporcionará unha camiseta exclusiva ca inscrición, ademáis da comida xa incluída, que os inscritos deberán usar na concentración, indicando previamente a talla no formulario.
- Publicado en Desenrolo e formación, Supervisión e control
Novas Xornadas de Supervisión e Control da FGVB
O Pavillón Alonso Rodríguez de Noia acolle as segundas Xornadas de Supervisión e Control da Federación Galega de Voleibol nesta temporada 22/23.
Nos días 6 de decembro (categoría masculina) e o 8 de decembro (categoría feminina) os nosos xogadores e xogadoras do Volei Galego desfrutarán unha vez máis da posibilidade de compartir coñecementos entre eles, guiados polos técnico especializados da FGVB.
Os horarios son os seguintes:
6 de decembro – categoría masculina:
- Infantil: 10:00-12:00/16:00-18:00
- Cadete: 12:00-14:00/18:00-20:00
8 de decembro – categoría feminina:
- Infantil: 10:00-12:00/14:00-16:00
- Cadete: 12:00-14:00/18:00-20:00
Para a inscripción nesta xornada deberase cumprimentar o formulario disponible na sección de descargas da nosa web, así coma o pago de 25 € (Número de conta: ES71 0081 0499 6400 0137 8440, Banco de Sabadell, S.A) enviando xustificante de pago e formulario a dtecnico@volei.gal antes do día 2 de decembro ás 12:00 horas .
Recordamos que este ano a Federación proporcionará unha camiseta exclusiva ca inscrición, ademáis da comida xa incluída, que os inscritos deberán usar na concentración, indicando previamente a talla no formulario.
Descargue aquí o formulario de inscrición para as Xornadas
- Publicado en Supervisión e control
Publicados os/as beneficiarios/as das Becas Cesa 2023 Volei Galego de voleibol pista
Continuando a exitosa iniciativa na que 6 adestradores e adestradoras do Volei Galego acompañaron ás Seleccións Galegas de Voleibol nos CESA de pista e praia esta pasada edición, a FGVB convocou a unha nova edición das Becas Cesa Volei Galego este mes de novembro para a tempada 22/23.
Trala recepción dun gran número de candidaturas, o Departamento de Dirección Técnica avaliou aos solicitantes en base a un baremo de criterios obxectivos, resultando elixidas as catro candidaturas con maior puntuación, que foron os seguintes técnicos/as, cos que se poñerá en contacto a Escola Galega de Adestradores nos vindeiros días:
– LIDIA GUDGE 47 puntos
– PINO CHAO 44 puntos
– NATALIA MARÍN ANTONIO 40 puntos
– ALEJANDRO IGLESIAS 40 puntos
Suplente:
– MARCO SENRA 38 puntos
A Federación Galega de Voleibol quere felicitar aos aspirantes que acadaron a posición, que terán a súa primeira proba nas vindeiras Xornadas de Tecnificación do mes de decembro.
Segunda proba do Campionato Galego de Inverno de Vólei Praia
A segunda proba para os nosos Sub 19 de vólei praia nesta temporada 22/23 será o vindeiro día martes 6 de decembro no complexo Deportivo de Oira.
Esta proba, puntuable para os Campionatos de España 2023, continua co Campionato que comezou o pasado día 12 de outubro, permitindo aos nosos deportistas de vólei praia desfrutar de competicións federadas tamén no inverno.
A Federación Galega de Voleibol quere agradecer o compromiso e colaboración unha vez máis do Concello de Ourense, así coma do seu Consello Municipal de Deportes e o Club Ourense Vólei Praia, para poder levar a cabo unha nova proba na provincia.
Para rexistrar a participación, deberase cubrir o modelo FGVP 02 ao correo competicions@volei.gal ata o martes 29 ás 20:00 horas, publicando os horarios definitivos ao longo do venres día 2 de decembro.
- Descargar o modelo Modelo FGVP 02 – BOLETÍN DE INSCRIPCIÓN DE EQUIPOS EN VOLEI PRAIA
- Publicado en Competicións vólei praia, Vólei Praia Cat. Inferiores
A Coruña, sede da Copa Princesa 2023
A Real Federación Española de Voleibol confirmou hoxe a través da súa Circular número 24 as sedes de celebración e os organizadores locais da Copa de SM el Rey, Copa de SM la Reina, Copa Príncipe e Copa Princesa.
Unha vez máis, e coma ven a ser habitual nos derradeiros anos, Galicia acollerá de novo un gran evento do voleibol nacional, sendo oficial a celebración en Coruña da Copa Princesa 2023 grazas á exitosa candidatura do Club Voleibol Zalaeta.
A Copa Princesa, que xa se celebrara noutras localidades galegas como Monforte e Lugo, estará de novo o 6, 7 e 8 de xaneiro de 2023 no Pavillón do Barrios de las Flores, onde os mellores equipos da Superliga Femina 2 loitarán polo ansiado trofeo, no que lle desexamos a mellor das sorte ás coruñesas.
- Publicado en Competicións voleibol
Chegan as Becas CESA do Volei Galego 2023
Despois do éxito, tanto en convocatoria como en resultados, das primeiras Becas do Volei Galego para formar parte do corpo técnico das Seleccións Autonómicas cadete e infantil masculinas e femininas da tempada 21/22, a Federación emprende unha nova edición das mesmas.
A FGVB, a través da Escola Galega de Adestradores e co obxectivo de mellorar o proceso de aprendizaxe e a experiencia en eventos nacionais dos adestradores/as galego/as , oferta 4 becas en pista e 2 en vólei praia para esta nova campaña.
Poderán optar a estas becas os adestradores e adestradoras que nos últimos 5 anos obtiveran o título nivel I ou II, e participarán nas Xornadas de tecnificación da FGVB, así coma nas concentracións previas e no CESA 2023, asumindo a Federación os custes asociados para os becados que inclúe a viaxe, manutención e aloxamento, así coma da entrega dun documento acreditativo da experiencia profesional.
Os solicitantes, que deberán de enviar a súa candidatura a través dun correo a dtecnico@volei.gal xunto ca copia do seu título e a folla de inscrición , deberán cumprir obrigatoriamente os seguintes requisitos:
- Ser maior de idade.
- Estar en posesión do nivel I ou nivel II de voleibol, obtido do 2018 en adiante (incluído).
- Disponibilidade para acudir ás concentracións das SSAA programadas e CESA 2022 nas datas anteriormente indicadas.
A data límite para recibir as solicitudes será o vindeiro xoves 17 as 12:00, anunciando os/as seleccionados/as o 24 de novembro.
- Publicado en Formación adestradores, Seleccións vólei praia, Seleccións voleibol