Hoxe tivo lugar no Pavillón Municipal dos Remedios a presentación oficial da segunda proba do Campionato Galego Benxamín/Prebenxamín + Copa Alevín. Con sedes no Paco Paz e O Pompeo, os pequenos e pequenas do noso deporte xogarán dende as 09:30 ata as 20:00 horas nas pistas habilitadas para o seu disfrute.
Este 25 de febreiro a cidade de Ourense reunirá ás estrelas do volei galego na súa segunda proba, continuando esta competición que terá unha primeira fase de grupos, para posteriormente os mellores clasificados de cada un xoguen polos primeiros postos en eliminatorias que se decidirán ao longo do día. Unha vez máis agárdase unha gran estimación de participación, estando o prazo aínda aberto, despois da gran acollida que tivo a primeira proba é grazas ao CV Ourense e ao CV San Martiño, así coma á colaboración do Concello e o do Cosello Municipal de Deportes de Ourense.
Recordamos que cada equipo obterá unha puntuación para o seu Club segundo a clasificación, e coa suma das probas os 8 mellores xogarán a Final do Campionato Galego e optarán por unha praza para o Campionato de España.
Á presentación asistiron o Xefe do Servizo Provincial de Deportes, Manuel Pérez; o Concelleiro de Deportes de Ourense, Aníbal Pereira; o Secretario da Federación Galega de Voleibol, Jose Ramón Baña e os representantes do CV San Martiño e CV Ourense, Gabriel Torquemada e Mateo Fernández.
