Convocatoria Cursos de árbitro Vólei Praia Nivel I e II.
A Federación Galega de Voleibol, a través do Comité Técnico Galego de Árbitros, convoca o curso de árbitros de vólei praia dos niveis Nivel I e Nivel II.
A evolución crecente de equipos nas competicións autonómicas, xunto coa maior presencia de equipos galegos en Competicións Nacionais, fan que a necesidade de árbitros sexa maior cada tempada.
Xunto con ese maior número de colexiados tamén se precisa dunha especialización dada polo uso da tecnoloxía e a acta electrónica nas competicións de ámbito nacional e internacional onde Galicia ten unha ampla participación, polo que dentro das funcións atribuídas o Comité e facer fronte a esa necesidade específica, proponse a Xunta Directiva de esta Federación e o Sr. Presidente a celebración de este curso.
O Nivel I terá como datas do 7 ao 9 de maio:
- Domingo 7 de maio: de 10:00 a 14:00 e 16:00 a 20:00.
- Luns 8 de maio: de 19:20 a 21:30.
- Martes 9 de maio: de 19:20 a 21:30.
O Nivel II terá como datas e horarios os seguintes:
- Domingo 7 de maio: de 10:00 a 14:00 e 16:00 a 20:00.
- Do luns 8 de maio a xoves 11 de maio: de 19:20 a 21:30.
Para formalizar a inscrición, débese enviar o modelo G-13 II que se atopa publicado no apartado de descargas de FGVb, e envialo cumprimentado a conta de correo de correo@volei.gal con copia a arbitros@volei.gal antes do día 4 de maio ás 22:00 horas.
Para consultar toda a información relacionada con estos cursos pode facer link na seguinte ligazón
- Publicado en Competicións vólei praia, Formación árbitros
Quenda da categoría cadete nos Campionatos Galegos de Inverno de Vólei Praia
O vólei praia galego segue a desputar as súas probas en Ourense. O vindeiro día 30 chega a quenda para a primeira das probas cadete dos nosos xogadores e xogadoras, que volverán a ter unha vez máis o Recinto Deportivo de Oira como sede.
O Club Ourense Vólei Praia, contando unha vez máis ca colaboración co Concello de Ourense e o Consello Municipal de Deportes, será o anfitrión da que será a quinta proba para as categorías menores da modalidade de praia nesta temporada 22/23, pendente de celebrar a proba desta fin de semana dirixida á categoría infantil e para a cal as inscricións rematan mañán martes 18 as 20:00 horas.
Recordamos que esta competición é puntuable para os Campionatos de España 2023 e o Ranking Galego, e para rexistrar a participación deberase cubrir o modelo FGVP 02 ao correo competicions@volei.gal antes do martes 25 ás 20:00 horas, publicando os horarios provisionais mércores 26 e os definitivos xoves 27. Recordamos que a tramitación de licenzas para esta proba será ata o luns 24.
- Descargar o modelo Modelo FGVP 02 – BOLETÍN DE INSCRIPCIÓN DE EQUIPOS EN VOLEI PRAIA
- Publicado en Competicións voleibol, Vólei Praia Cat. Inferiores
Convocadas as Becas CESA do vólei praia Galego 2023
A Federación Galega de Voleibol quere seguir promocionando os adestradores de voleibol galegos a través da iniciativa Becas CESA Vólei Galego, ofertando para este verán de 2023 a súa edición correspondente á modalidade de vólei praia.
A través da Escola Galega de Adestradores, ofertaranse 2 becas para acompañar ás Seleccións Galegas nos próximos CESA 2023 de vólei praia que se celebrarán este verán nas seguintes datas:
- 8 ao 12 de agosto – CESA vólei praia infantil e cadete masculino e feminino.
- 15 ao 20 de agosto – CESA vólei praia Sub 19 masculino e feminino.
- 28 ao 30 de agosto – CESA vólei praia Sub 21 masculino e feminino.
Os adestradores que obtiveran o título de nivel I ou II nos últimos 5 anos poderán participar como apoio nas concentracións e xornadas de tecnificación das categorías cadete e infantil masculinas e femininas desta tempada 22/23, e tamén formar parte da expedición que acudirá ao Campionato de España de Seleccións Autonómicas.
Para enviar a candidatura os solicitantes deberán de enviar un correo electrónico a adestradores@volei.gal xunto ca copia do seu título, e deberán cumprir obrigatoriamente os seguintes requisitos, antes do día 15 de maio de 2023 as 14:00 horas:
- Ser maior de idade.
- Estar en posesión do nivel I ou nivel II de voleibol praia, obtido do 2018 en adiante (incluída a vindeira edición de maio de 2023).
- Disponibilidade para acudir ás concentracións das SSAA programadas e CESA 2023 nas datas anteriormente indicadas.
A Federación Galega de Voleibol e a Escola Galega de Adestradores faranse cargo dos custes asociados para os becados que inclúe a viaxe, manutención e aloxamento, así coma da entrega dun documento acreditativo da experiencia profesional.
- Publicado en Competicións vólei praia, Formación adestradores, Seleccións vólei praia
Primeira proba dos Campionato Galego de Inverno de Vólei Praia para a categoría infantil
Despois das celebradas para a categoría Sub 19, Ourense acolle a primeira proba para os nosos/as infantís, que inician a súa temporada de vólei praia grazas ao Club Ourense Vólei Praia.
En colaboración co Concello de Ourense e o Consello Municipal de Deportes, o club ourensán leva a cabo un novo evento deste deporte no recinto deportivo de Oira ao longo do domingo 23 de abril, que xunto ca proba de cadetes que se celebrará o vindeiro día 30 deste mes, están a facer de Ourense o epicentro do vólei praia galego.
Recordamos que esta competición é puntuable para os Campionatos de España 2023 e o Ranking Galego, e para rexistrar a participación deberase cubrir o modelo FGVP 02 ao correo competicions@volei.gal antes do martes 18 ás 20:00 horas, publicando os horarios provisionais mércores 19 e os definitivos xoves 20. Recordamos que a tramitación de licenzas para esta proba será ata o luns 20.
- Descargar o modelo Modelo FGVP 02 – BOLETÍN DE INSCRIPCIÓN DE EQUIPOS EN VOLEI PRAIA
- Publicado en Competicións voleibol, Vólei Praia Cat. Inferiores
A derradeira proba dos Campionatos Galegos Benxamín/Prebenxamín e a Copa Alevín celebrarase en Ourense.
Os nosos pequenos culminan o vindeiro día 29 de maio os Campionatos Galegos Benxamín/Prebenxamín e a Copa Alevín en Ourense. Despois das tres probas celebradas entre Narón e Pontevedra, os pavillóns dos Remedios e o O Pompeo acollerán a derradeira celebración deste circuito que enfrenta aos máis xóvenes do voleibol galego.
Agradecer un ano máis ao Club Voleibol Ourense, o Club Voleibol San Martiño e o Concello de Ourense, que serán os anfitrións dunha das probas destes campionatos, demostrando así o seu compromiso cos nosos pequenos un ano máis.
Recordamos que, para a inscripción dos equipos, non haberá límite por club sempre e cando teñan un mínimo de 4 integrantes e máximo de 7 xogadores no caso de benxamíns e alevíns, e cun mínimo de 3 e máximo de 5 na categoría prebenxamín, os clubes deberán enviar o formulario G11 a través de correo@volei.gal.
O prazo de tramitación de licenzas individuais para a proba remata o luns 24 ás 20:00, quedando o límite de inscripción de equipos para o martes 25 ás 20:00, co obxectivo de publicar mércores os listados provisionais e xoves os definitivos das probas.
Recordamos que nas normas técnicas aplicarase o que recolle o regulamento técnico Alevín e Benxamín da RFEVb
- Publicado en Campionatos Galegos PB/BE + Copa Alevín, Competicións voleibol
Xornadas abertas de supervisión de deportistas en Palencia e Soria da RFEVB
Informa RFEVB
O Programa 2025 arrinca esta tempada coa organización de dúas Xornadas abertas de supervisión de deportistas da categoría infantil, masculino e feminino (nacidos en 2009-2010).
É o inicio dun novo de ciclo de tecnificación, que continuará coa integración dos grupos de traballo durante os anos 2023 e 2024 e que culminarán o seu paso polo Programa coa participación, en xaneiro de 2005 como Selección española Sub17, no Torneo WEVZA clasificatorio para o Campionato de Europa da categoría.
Os detalles da actividade son:
Xornadas de Supervisión de deportistas en Palencia (masculino) e Soria (feminino):
- Venres 28 de abril: tarde >> 1 sesión.
- Sábado 29 de abril: mañá e tarde >> 2 sesións.
- Domingo 30 de abril: mañá e tarde >> 2 sesións.
A actuación contempla a participación en sesións de valoración e adestramento técnico a cargo dos grupos de adestradores da RFEVB (seleccionadores Nacionais e técnicos do programa 2025), e a cobertura dun SAD (seguro de accidente Deportivo) específico para a actividade, a cargo da RFEVB.
Condicións de participación:
- Deportistas en idade infantil (nacidos en 2009-2010). Poden apuntarse deportistas doutras idades, que poderán ser aceptados segundo criterios técnicos.
- O desprazamento, estancia e manutención durante a actuación corre a cargo do deportista.
- O menor debe asistir acompañado por un adulto responsable, e se non fóra cos seus pais, deberá achegar o consentimento escrito dos mesmos para participar na actividade.
Participación:
Os interesados deberán remitir a súa proposta na Ficha (Modelo Test 5.5) que se adxunta, a seguinte dirección de correo electrónico: tecnificacion2025@rfevb.com ata o 23 de abril, facendo constar no Asunto: Xornadas de Supervisión de deportistas abril 2023.
As prazas son limitadas. A RFEVB valorará as propostas recibidas e comunicará oficialmente a lista de admitidos/as o 24 de abril.
- Publicado en Competicións voleibol, Formación adestradores
Novo curso de adestrador Nivel I VP en Rianxo
A Federación Galega de Voleibol convoca un novo curso de adestrador nivel 1 para a modalidade de vólei praia os vindeiros días 27 e 28 de maio en Rianxo. O obxecto da convocatoria é completar a formación deportiva de Adestrador Federativo de Vólei Praia de Nivel I mediante ensinos que acrediten a obtención do Diploma Federativo, podendo adestrar categorías de vólei praia Infantil (Sub-15) e Cadete (Sub-17) das competicións organizadas polas Federacións de Voleibol de ámbito Autonómico e Nacional.
HORARIOS
Horario intensivo de 9 a 14 e de 16 a 20
LUGAR
Pavillón Municipal de Rianxo
PRAZO DE INSCRICIÓN
Ata o 24 de maio do 2023
PREZO
100 €
REQUISITOS PARA OBTENCION DO TITULO FEDERADO
Poderán acceder ao curso segundo o regulamento da Escola galega de adestradores:
- Ter 16 anos cumpridos ou facelo no ano de celebración do curso.
- Estar en condición óptima para a realización de actividade física, non presentando ningunha patoloxía severa que lle impida a participación nas clases prácticas.
- A titulación definitiva outorgarase despois de realizar un período de prácticas dunha duración mínima dunha tempada deportiva.
Pode consultar toda a información da convocatoria na seguinte ligazón.
Convocatoria oficial das Seleccións Galegas
A Federación Galega de Voleibol fai oficial a súa segunda convocatoria das Seleccións Galegas nesta temporada co obxectivo de seguir traballando na preparación dos Campionatos de España de Seleccións Autonómicas 2023. Os xogadores e xogadoras seleccionados terán unha nova oportunidade para demostrar o seu potencial ante os seleccionadores/as do volei galego en Marín, onde se concentrarán de xoves a sábado co fin de facerse un oco nas listas finais.
Estas concentracións terán lugar no Pavillón do Colexio San Narciso, estando prevista a chegada da concentración infantil o xoves 6 de abril ás 10:00 horas, e rematará o sábado 8 ás 17:00 horas. Pola súa banda, a concentración cadete chegará jueves ás 12:00 horas e sairá o sábado ás 19:00 horas.
Lembrámolle aos xogadores convocados que deben levar roupa para seis adestramentos, así como documentación (DNI, tarxeta sanitaria) e artigos de hixiene persoal para todos os días.
A continuación, amósase a lista de deportistas por club para esta segunda concentración:
- Publicado en Competicións voleibol, Seleccións voleibol
As derradeiras xornadas de tecnificación da FGVB chegan a Cambados, Quiroga e Marín.
Cambados, Quiroga e Marín serán o día 26 de marzo as sedes das derradeiras xornadas de tecnificación da Federación Galega de Voleibol. As categorías benxamín, alevín, infantil e cadete poderán despedir estas xuntanzas da temporada 2023 compartindo experiencias con compañeiros/as de outros clubs e adestradores/as especializados do volei galego.
Para estas concentracións de final de mes, os horarios e localizacións son as seguintes:
Cambados – Supervisión e control – categoría feminina, limitada a 60 prazas por orde de inscrición, pendentes de ampliación en función de dispoñibilidade de instalación:
- Infantil: 10:00-12:00/15:00-17:00. (PRAZAS ESGOTADAS)
- Cadete: 12:00-14:00/17:00-19:00.
Quiroga – Supervisión e control – categoría masculina:
- Infantil: 10:00-12:00/15:00-17:00 .
- Cadete: 12:00-14:00/17:00-19:00.
Marín – Desenrolo e formación – categoría masculina e feminina (PRAZAS ESGOTADAS):
- Alevín e Benxamín: 11:00-13:00/15:00-17:00.
Para a inscripción nesta xornada deberase cumprimentar o formulario disponible na sección de descargas da nosa web, así coma o pago de 25 € (Número de conta: ES71 0081 0499 6400 0137 8440, Banco de Sabadell, S.A) enviando xustificante de pago e formulario a dtecnico@volei.gal antes do día 22 de marzo ás 12:00 horas .
Recordamos que este ano a Federación proporcionará unha camiseta exclusiva ca inscrición, ademáis da comida xa incluída, que os inscritos deberán usar na concentración, indicando previamente a talla no formulario.
Descargue aquí o formulario de inscrición para as Xornadas
- Publicado en Competicións voleibol, Desenrolo e formación, Supervisión e control
Terceira proba do Campionato Galego de Inverno de Vólei Praia
A terceira proba nesta temporada e a primeira do ano 2023 para a categoría Sub 19 será o vindeiro día sábado 25 de marzo no complexo Deportivo de Oira.
Esta competición, puntuable para os Campionatos de España 2023 e o Ranking Galego, continua despois das probas dos días 12 de outubro e 6 de decembro, celebrando a súa terceira proba tamén na area de Oira e reunindo a toda a comunidade de deportistas do vólei praia galego.
Recordamos que para rexistrar a participación, deberase cubrir o modelo FGVP 02 ao correo competicions@volei.gal ata o martes 21 ás 20:00 horas, publicando os horarios provisionais mércores 22 e os definitivos xoves 23. Recordamos que a tramitación de licenzas para esta proba será ata o luns 20.
Unha vez máis a Federación Galega de Voleibol quere dar as grazas de novo ao Concello de Ourense, o Consello Municipal de Deportes e o Club Ourense Vólei Praia, que fan posible o evento.
- Descargar o modelo Modelo FGVP 02 – BOLETÍN DE INSCRIPCIÓN DE EQUIPOS EN VOLEI PRAIA
- Publicado en Competicións vólei praia, Vólei Praia Cat. Inferiores